السّلام عليكم،
آشنية أحوالكم؟ ان شاء الله تكونوا بخير وصحة وفي السّعادة غاطسين للشوشة.
ماذا بيّ في البداية نعتذر للقراء الكل وخاصة أوفياء ها المدونة على الغيبة الطويلة. قدّر ربّي سبحانه وتعالى (ولطف ولله الحمد) وأصِبت بطارئ صحّي في المدّة اللّي فاتت وبعد كيف رجعت للعمل نلقى روحي ديباسيّ وديبورداي (dépassée et débordée) وتلهيت شويّة وما لقيتش الوقت باش نكتب وان قعدت نتابع شويّة في الفضاء المدوناتي والصحافة. ونغتنم ها الفرصة باش نشكر من القلب كل الاخوة والأخوات اللي راسلوني أو سئْلو عليّ بشكل مباشر أو غير مباشر. يعطيهم الصّحة الكل و بارك الله فيهم.
في التدوينة هاذي، باش نحاول نعلق على بعض الأحداث اللّي صارت خلال الشهر الفائت وباش نبدى بحدث عزيز على قلوب برشة توانسة:
عيد الإستقلال -1- : كل الحب لأرض تونس العزيزة
بمناسبة عيد الإستقلال اللي نحتفلو بيه كل عام في عشرين مارس ويمثل ذكرى ليوم استرجعنا فيه سيادتنا الوطنية وملكنا فيه حرية قرارنا، نتوجه لكل التونسيين والتونسيات فردا فردا بكل التهاني والأماني ونقلّهم اللّي الإستقلال راهو مكسب ويلزم الحفاظ عليه. ومانجّمو نحافظو عليه كان بالعمل الدؤوب والاخلاص والسعي للأفضل. ونّبهكم يا توانسة و يا تونسيات اللي راهو فمّة أنواع جديدة من الإستعمار ما تحتاجش لجيوش جرّارة ودبابات وطائرات خصوصا في عهد السموات المفتوحة والعولمة و... و... وآنا مانقلكم وانتوما ما يخفاكم وكل عام وتونسنا عزيزة ومنيعة.
عيد الإستقلال -2- : هل نسينا شيئا ما؟
آنا ديمة نقعد مستغربة من حاجة. علاش احنا كتوانسة عمرنا -على حد علمي ومعرفتي- ما طلبنا من فرنسا الإعتذار والتعويض على ما يزيد عن 75 سنة من الإستعمار نهبو فيها الفرنسيس خيرات بلادنا وعملو بعمايلهم في شعبنا ودفعو فاتورة تطوّرهم وحتى حرّيتهم (الإستقلال عن النازية وحرب الاندوشين) من دم آبائنا وجدودنا؟ وقتاش باش نثوروا لكرامة الناس اللّي دفعو حياتهم دفاعا عن حرّيتنا وكرامتنا ووقتاش الفرنسيس يهبّطو روسهم ويستعرفو بجرائمهم ويطلبو السماح ويدفعو دم قلوبهم تعويضا على ثلاثة أرباع قرن من النهب والسلب والجبروت والقمع؟
زعمة علاش كان الجزائريين عاملين أزمة مع فرنسا على الحكاية هاذي؟ زعمة علاش كان من حق الدول الأوروبية الكل إجبار ألمانيا على الإعتذار والتعويض بعد الحربين العالميتين واحنا نسينا أو تناسينا أو فمة ناس يحاولو يخدرونا وينسّيونا فترة الإستعمار المريرة؟ علاش من حق إسرائيل شربان دم الألمان وابتزازهم على حكاية الهلوكوست اللي برشة مؤرخين عندهم مصداقية شككو فيها واحنا لا؟ زعمة علاش من حق اليابان إجبار الولايات المتحدة على الاعتذار على استعمال القنابل النووية ضدّها، الشيء اللّي خلّى كلينتون يمشي لطوكيو عام 1995 ويعلن قدّام المليارات من سكان الأرض إعتذار رسمي ويمد يدّو للشعب الياباني من أجل علاقات مستقبلية تقوم على الإحترام المتبادل والصداقة؟ وعلاش ...؟ بربّي خلّيني نسكت راهو شيء يفلق!
عيد الإستقلال -3- : المزايدات الرخيصة واللغة الخشبية... إلى أين؟
كفى!، يزّي!، فك!، كفاية!، ستوب!، (ça suffit... amplement!/it's enough) ياخي ما تفهموش! على شكون تسيّبو في الريق البارد متاع تسرسيط الأرقام المزيفة وتبرير العبثية والجهلوت؟ وقتاش باش تحترمو عقولنا و تنقصو من اعتبار أنفسكم أذكياء برشة وقادرين على استغباءنا. ملاّ حالة ... قلّو تقزيم عيد الإستقلال!
عيد الشباب: بأي حال عدت يا عيد؟
عيد الشباب السنة جا في ظروف غرق 44 شاب تونسي ومشاكل لمبيدوزا والبطالة والأزمة الاقتصادية و(...). عيد الشباب السنة جا في ظروف (...). آه، سامحوني تفكرت اللي آنا ما عنديش الحق باش نحكي في ما يهم الشباب باعتباري تجاوزت السن القانونية اللّي تخوّل لشعبوبة ميثاق الشباب تعتبرني مازلت ... شباب! و دوّحي يا مباركة.
شهر مارس... شهر نسائي، اشكون موش عاجبو؟
البداية كانت مع اليوم العالمي للمرأة اللي هو عيدي كامرأة (هاذي شعبوبة ميثاق الشباب ماينجّموش ينكروها لكن شعبوبة الفضاء التدويني شاكّين فيها... ههه). أي عاد ها العيد حاجة باهية وخصوصا جا أيامات قبل عيد الإستقلال. دونك ما فيها باس كان نتفكرو مساهمة المرأة التونسية في الكفاح ضد المستعمر ومساندة حركة التحرير في كل مراحلها وكذلك مساهمتها في بناء تونس الحديثة والعمل الكبير اللّي قاعدة تقوم بيه في كل المواقع. باهي الإعتراف للجنس اللطيف التونسي بأنو نصف المجتمع ب"حق وحقيقي". الاعتراف هاذا فضيلة راهو. وباهي برشة زادة لو كان شعبوبة التطرف الإلحادي والإستئصالي تخطانا من تكسير البطاطا من نوع "وراء كل امرأة متحجبة رجل متسلط ومتزمت" و (...). حاصيلوا حمق وغباء بعيد عنّك! هههه
وما ننساوش عيد الأمهات وما أدراك ما تضحيات الأمهات... وبها المناسبة نرحّم على أمي الحبيبة ونقلها "نحبّك برشة وخلّيت عليّ بلاصة كبيرة. يا ريتك بجنبي يا عزيزة". ونحيّي كل أمهات تونس ونتمنّالهم التوفيق والسعادة في حياتهم وحياة أبنائهم.
الإسلاموفوبيا واللّوغو والحوار...
بالتأكيد الناس اللّي تصفحوا المدونة هاذي في الأيام القليلة الماضية لاحظو اللّوغو الجديد "لا للإسلاموفوبيا". لكي يعود ما لقيصر لقيصر أو قل ما لزيد لزيد، اللّوغو هاذا هو من تصميم خونا البرباش مشكور ومن اقتراح أختنا عبرات مشكورة. بالطبيعة اللّوغو ما حطيناهش لمجرد الزينة أو الاحتجاج الصامت. الأصل في الحكاية أنو عقب دعوة خونا طارق لنقاش موضوع الإسلاموفوبيا الشهر الماضي، عملنا مجهود لإعداد برنامج ان شاء الله باش يمثل مساهمة مدونة النضال ضد الطابور في النقاش هاذا. وان شاء الله قريبا جدا باش تنشر أختنا عبرات البرنامج اللّي تم إعدادو لهذا الغرض. ومشكورين مسبقا كل الناس (مدونين ومعلقين) اللّي يحبّوا يشاركونا في نقاش موضوع الإسلاموفوبيا.
القرضاوي... والهزيمة المرّة لليسار التونسي!
هاذي موش نكتة ولاّ عنوان دعائي في برافدا جمهورية موز عربي بلون الدم... هاذا عنوان تدوينة ان شاء الله باش نتكلّم فيها على البيانات الصحفية والعريضة متاع بعض الشخصيات الوطنية (أو هكذا وصفتهم وكالات الأنباء) ضد زيارة القرضاوي لتونس المدة الفارطة وباش نحاول نفهم السبب وراء موجة الغباء اللي قاعدة تضرب في جزء كبير من تيار يرفع في شعارات "تقدمية" و يدّعي "التحيّز" للمواطن المسحوق و"النضال" من أجل المواطنة الكاملة والديمقراطية وحقوق الانسان. ممكن التدوينة هاذي تبطى شوية خاطر توّة باش نحلّو دوسي آخر أكثر أهمية وهو دوسي كارثة تون-آنتار والأحكام القضائية الصادرة فيها. ميسالش حاجة أهم من حاجة وكيما يقولو اللي يستنّى خير ملّي يتمنّى.
في انتحال الشخصيات: رمتني بدائها وانسلّت...
سي البرباش حفظه الله وجعله ذخرا للوطن سبق وتكلّم على الترافيك متاع التصويت في تن-بلوغز (هنا، هنا، هنا) وأشار في إحدى التدوينات (هنا) اللي فمّة بعض الأمور اللّي موش مفهومة. وآنا زادة لاحظت حويجة ماذا بيّ نقول عليها أما رُدّوا بالكم تقولو اللي آنا قلت (عماد حبيب = عاشور الناجي). حاشى وكلاّ وزوز كيلو غلّة! آنا لا قلت ولا شفت ولا ريت ولا حتى قريت... ههه
أيا برّة توكّل على المولى وانقر هنا، أقرا النص المحاط بمستطيل وبعد اجبد نفس باهي وشهّد واستغفر كانك مؤمن (اما كانك ملحد قول بركاتك يا شيخ نيتشه ههه) وانقر هنا وكالعادة أقرا النص المُحاط بمستطيل. توّة انت عملت مجهود وصرفت صرفت، وسّع بالك وكمّل انقر هنا. وأكهو... ههه
التصنيف ما بين الكوجينة والمدونة...
كنا هنا أطلقنا حوار داخلي علني حول حكاية "نشر تصنيف المدونات". لكن بسبب غياب تانيت في مرحلة أولى لظروف مهنية وغيابي آنا في مرحلة ثانية بسبب المرض، الحوار هاذا ما تواصلش وما كملش. ممكن راهو بعض القرّاء يتساؤلو هل تخلينا على الفكرة؟ لا يا سيدي، عمرنا ما تخلينا على الفكرة ولو كان تغيرت المعطيات راهو تم نشر توضيح بهذا الخصوص وان شاء الله في التدوينة هاذي باش نكمّلو حوارنا. آنا باش نبدا من توّة بسحب قائمتين من الهيت-باراد متاع الغباء والحمق والبقية تأتي.
ملاحظات لبراستوس...
في الثلاثية الأولى من 2009، صارو على الأقل 4 أزمات في البلوغوسفير التونسي. لوّلة على هامش العدوان على غزة، الثانية على خاطر حكاية تصنيف المدونات، الثالثة على خاطر موضوع الإسلاموفوبيا والرابعة وان كانت أقل حدّة على خاطر زيارة القرضاوي لتونس. الأزمات هاذي بيّنت اللّي جو البلوغوسفير مشحون وكشفت التخندق والتكاتف السلبي والمجاني ل"جبهة المدونين اللادينيين والملحدين" إذا صح التعبير. الكلام المرزي والفاحش والسبان كان موجود بالطبيعة. ياخي يجي منو زردة بلا كسكسي؟ مانيش باش نتكلم على الكلام اللي تقال علينا. موش من عوايدي لعب دور الضحية. لكن خلّيني نتكلم على حالة معينة هي السب اللي تعرضلو طارق في التدوينة هاذي من لدن مدون صاحب أخلاق عالية (وفي رواية أخرى تفيض عيناه بالدموع ورعا وتقوى). العديد من المدونين ما عجبهمش الحال باعتبار الأمر وصل إلى حد غير معقول (قذف بعبارات من قبيل حثالة، سلة مهملات، خوانجي، إلخ). في الظروف هاذي يقوم براستوس بكتابة تدوينة (هنا) يوصف فيها الناس اللّي نددت بالمستوى الأخلاقي الرفيع لمدون من جبهة الأغبياء الجدد بالنعاج ويوصف طارق بلية العلوش اللّي النعاج هاذوما تتفخر بيه. أعتقد أنو مدون يقدم في روحو على أنو معتدل وعقلاني ورزين ويسمح لنفسو باش يعطي دروس في أبجديات الحوار والأخلاق واحترام الآخر إلخ إلخ، لو كان حقا ملتزم بمبادؤ اللي صدّعلنا بيها روسنا النهار بطولو وبها الدروس اللي ما يتفكرهم كان كيف يحب يواجه خصم ما يعجبوش، موش ممكن تصدر عليه تلميحات جبانة من النوع هاذا واللي فعلا تعبر على مستوى أخلاقي في الحضيض. فمّة فرق كبير ما بين أنك تنتقد تصرّف أيّ كان -مهما كان ها التصرّف- وما بين أنك توصف الشخص بنعجة. قلّو نلمّح لاجتناب الشخصنة؟!
على كل حال، يبدو أنو طارق أوقف ظهور بعض التعاليق في التدوينة اللّي بدا فيها الجدال (أو ربما لسبب تقني أو أسباب أخرى أجهلها) لأنو تعليق عبرات ما عادش موجود وكذلك تعليقي آنا لوّل اللي سألت فيه صاحب المكانة الرفيعة قدّس الله سرّه عن سبب استعمالو لصفة "خوانجي" بإفراط وطلبت منّو تفسير -وما جاوبش كالعادة- وتعليقات أخرى بما فيها تعليقات المدون هاذا. توّة خلّينا نتكلّمو في صلب الموضوع. قام براستوس بالرّد على تعليقي هنا بتعليق في تدوينة طارق (التعليق التاسع حاليا) ثم كتب زوز تعاليق في التدوينة هاذي (التعاليق 35 و 36). في التعاليق هاذي الكل (واللّي في البداية كنت باش نرد عليها نقطة بنقطة وتهمة بتهمة، لكن عامل المرض خلاني نأجّل الأمر وتوّة موش باش نرد عليها لأسباب باش نذكرها تباعا في ما يلي) برّر تهمة "التخونيج" اللّي رمانا بيها المدوّن المتربي (والعديد من المدونين ذوي الأخلاق الحميدة) وأسهب في حكاية الطابع الديني لمدونتنا (تقولش علينا حالّين زاوية سيدي محرز والشيء لللّه يا شيخة عليسة! ولاّ بالكشي حلينا قناة بن لادنية تقودك للجنة بالسلاسل ونقدم فيها في فتاوي كفتاوي زعيم حزب الديك وآنا ما فيباليش؟) وكيفاش احنا استعملناه هو ومدونتو في حكاية التصنيف وعلّق على كلمة "طحت من عيني" وجبد دوسي محمّم متاع تعاليق مقزّزة تبادلهم مع مجموعة من أصحاب الشهائد في ميدان الأخلاق الحميدة والسلوك الحضاري. هذا الكل موش مهم. علاش؟ كان كل حد يعارض أفكارك بالضرورة خوانجي وإرهابي ومتزمّت وإسلاموي وعدو للديمقراطية وهلم جر فهذيكة مشكلتك إنت ومشكلة مبادئك اللي مخلّيهم مجرّد شعارات شبيهة بالشعارات القزوردية. وكان جبدان دوسي التعليقات اللاأخلاقية تحاول من خلالو تلمّح ولو بطريقة غير مباشرة، إلى احتمال وقوفنا وراء التعاليق هذيكة كيف ما سبق ولمّحت بكل وقاحة إلى احتمال وقوفنا وراء قرصنة مدونة "تونسي ببلد البنوك" فالبينة على من ادّعى وكان عندك دليل تكلّم وورّيني شنوة تنجّم تعمل. نرجع توّة لصفة النميمة اللي وصفتني بيها قال اشنوة قاعدة نقرض فيك في غيابك. شي يفرطس والله! توّة بربي في شكون تستغبى؟ ياخي موش صاحبك اللّي تدافع عليه هو صاحب المشكلة والتدوينة متاع طارق هذيكة بالذات كانت سخونة وعيطة وشهود وايمايلات وفايسبوك وواكلة بعضها؟ ياخي تسخايب آنا خايفة منك ولا حاشمة ولا وقت اللي كتبت التعليق موش عارفة اللي تاليفوناتكم باش تخدم ولخبر باش يوصل في لمح البصر؟ ما شفتش روحك انت كيف تقرص ويدك تحتك وترمي في الكلام تلميح خاطر ما عندكش الشجاعة تقولو صراحة وعلنا أو بالأحرى باش يمسّ بصورة "الاعتدال" الزائف اللي تحاول تقدّمها في البلوغوسفير! ثم إنت سبقلك وأعلنت مقاطعتك لمدونتنا في برقية مساندة لجماعتك وهاذا يدل برشة على مدى تجذّر ثقافة الحوار اللّي تنادي بيها في مدونتك وتعطي عليها في الدروس وتأصّلها فيك. ياخي لها الحد باش نتنازل على كرامتي ونجي لمدونتك نعلّق؟ فرحانة بيك برشة؟ عمرك ما سمعت بمبدأ "المعاملة بالمثل"؟
خلاصة الحديث ومن غير برشة كلام، نظرا لأنك إنسان يعدّي علاقاتو الشخصية قبل المبادئ اللي يتشدّق بيها ونظرا لسكوتك على الفضائح اللّي يعملوا فيها جماعتك وعدم اتخاذك مواقف مشابهة للمواقف اللّي اتخذتها ضد خصوم ايديولوجيين (بل ودفاعك عنها في أكثر من مناسبة في الوقت اللّي البعض من الجماعة اللي وصفتهم بالنعاج سبقلهم ووقفو ضد تيتوف هنا لمجرّد الشبهة رغم اللّي حكاية القرصنة كانت مجرّد حركة قذرة من عند جماعتك. وكيما سبقلّنا ووقّفنا معلقين عند حدّهم وقت اللي هاجمو بألفاظ نابية جماعة سبق وسمعونا الكلام على مدوّنتنا على خاطر احنا ما نزايدوش على مبادئنا وما ننحاز حتى لحد ولاّ لموقف بدون الرجوع ليها) ونظرا لأنك حاولت القفز على موضوع القرصنة لتشويه البعض بما فيها مدونتنا ونظرا لأنك سكت عمدا على حكاية انتحال الشخصيات ونظرا لأنك تعتمد مقياس الكيل بمكيالين ونظرا لأسباب أخرى كثيرة فإنو آنا شخصيا قرّرت باش ما عادش ندخل معاك في أي نقاش مهما كان واعتبار مدونتك مجرّد حجرة في حومة البلوغوسفير ومقاطعتك انت والمدون المتربي برشة اللّي رتبت انت وياه طلب انسحاب متزامن من قائمة التصنيف للتغطية على الأزمة اللي جماعتك لقاو فيها رواحهم. من حقك باش تقول اللّي تحب. واعرف اللّي عليسة أكثر حاجة تكرها في حياتها هي النفاق والترهدين. ملاحظة أخيرة، اللّي يسمح لروحو باش يهبط لمستوى معين مرة، قادر في كل وقت باش يوصل للمستوى هاذاكة.
وتوّة خلّيني نحكي في المهم خاطر مانيش فارغة شغل وما عنديش بزايد وقت نضيّعو في الحكايات الفارغة... انتهى.
نتأسف جدا لكل قرّاء المدونة ورواد البلوغوسفير. آنا مانحبش التدوين المشخصن ومتاع عرك الحوم. لكن السيد هاذا سبق وكتب عدّة أشياء اللّي نرا من واجبي أنّي نوضّح موقفي منها. نتمنّى أنو الأمور هاذي ما تتكرّرش في المستقبل وخلّينا نرّكزو في مواضيع أكثر أهميّة. المرّة الجاية بحول الله نكتبلكم حول حادث الطيران متاع تون آنتار اللي صار في 06 أوت 2005. وشكرا للجميع على المرور وآسفة مرّة أخرى.
آشنية أحوالكم؟ ان شاء الله تكونوا بخير وصحة وفي السّعادة غاطسين للشوشة.
ماذا بيّ في البداية نعتذر للقراء الكل وخاصة أوفياء ها المدونة على الغيبة الطويلة. قدّر ربّي سبحانه وتعالى (ولطف ولله الحمد) وأصِبت بطارئ صحّي في المدّة اللّي فاتت وبعد كيف رجعت للعمل نلقى روحي ديباسيّ وديبورداي (dépassée et débordée) وتلهيت شويّة وما لقيتش الوقت باش نكتب وان قعدت نتابع شويّة في الفضاء المدوناتي والصحافة. ونغتنم ها الفرصة باش نشكر من القلب كل الاخوة والأخوات اللي راسلوني أو سئْلو عليّ بشكل مباشر أو غير مباشر. يعطيهم الصّحة الكل و بارك الله فيهم.
في التدوينة هاذي، باش نحاول نعلق على بعض الأحداث اللّي صارت خلال الشهر الفائت وباش نبدى بحدث عزيز على قلوب برشة توانسة:
عيد الإستقلال -1- : كل الحب لأرض تونس العزيزة
بمناسبة عيد الإستقلال اللي نحتفلو بيه كل عام في عشرين مارس ويمثل ذكرى ليوم استرجعنا فيه سيادتنا الوطنية وملكنا فيه حرية قرارنا، نتوجه لكل التونسيين والتونسيات فردا فردا بكل التهاني والأماني ونقلّهم اللّي الإستقلال راهو مكسب ويلزم الحفاظ عليه. ومانجّمو نحافظو عليه كان بالعمل الدؤوب والاخلاص والسعي للأفضل. ونّبهكم يا توانسة و يا تونسيات اللي راهو فمّة أنواع جديدة من الإستعمار ما تحتاجش لجيوش جرّارة ودبابات وطائرات خصوصا في عهد السموات المفتوحة والعولمة و... و... وآنا مانقلكم وانتوما ما يخفاكم وكل عام وتونسنا عزيزة ومنيعة.
عيد الإستقلال -2- : هل نسينا شيئا ما؟
آنا ديمة نقعد مستغربة من حاجة. علاش احنا كتوانسة عمرنا -على حد علمي ومعرفتي- ما طلبنا من فرنسا الإعتذار والتعويض على ما يزيد عن 75 سنة من الإستعمار نهبو فيها الفرنسيس خيرات بلادنا وعملو بعمايلهم في شعبنا ودفعو فاتورة تطوّرهم وحتى حرّيتهم (الإستقلال عن النازية وحرب الاندوشين) من دم آبائنا وجدودنا؟ وقتاش باش نثوروا لكرامة الناس اللّي دفعو حياتهم دفاعا عن حرّيتنا وكرامتنا ووقتاش الفرنسيس يهبّطو روسهم ويستعرفو بجرائمهم ويطلبو السماح ويدفعو دم قلوبهم تعويضا على ثلاثة أرباع قرن من النهب والسلب والجبروت والقمع؟
زعمة علاش كان الجزائريين عاملين أزمة مع فرنسا على الحكاية هاذي؟ زعمة علاش كان من حق الدول الأوروبية الكل إجبار ألمانيا على الإعتذار والتعويض بعد الحربين العالميتين واحنا نسينا أو تناسينا أو فمة ناس يحاولو يخدرونا وينسّيونا فترة الإستعمار المريرة؟ علاش من حق إسرائيل شربان دم الألمان وابتزازهم على حكاية الهلوكوست اللي برشة مؤرخين عندهم مصداقية شككو فيها واحنا لا؟ زعمة علاش من حق اليابان إجبار الولايات المتحدة على الاعتذار على استعمال القنابل النووية ضدّها، الشيء اللّي خلّى كلينتون يمشي لطوكيو عام 1995 ويعلن قدّام المليارات من سكان الأرض إعتذار رسمي ويمد يدّو للشعب الياباني من أجل علاقات مستقبلية تقوم على الإحترام المتبادل والصداقة؟ وعلاش ...؟ بربّي خلّيني نسكت راهو شيء يفلق!
عيد الإستقلال -3- : المزايدات الرخيصة واللغة الخشبية... إلى أين؟
كفى!، يزّي!، فك!، كفاية!، ستوب!، (ça suffit... amplement!/it's enough) ياخي ما تفهموش! على شكون تسيّبو في الريق البارد متاع تسرسيط الأرقام المزيفة وتبرير العبثية والجهلوت؟ وقتاش باش تحترمو عقولنا و تنقصو من اعتبار أنفسكم أذكياء برشة وقادرين على استغباءنا. ملاّ حالة ... قلّو تقزيم عيد الإستقلال!
"كفاك[م] تقمّصا لدور المدافع و العاشق الولهان لتونس أكثر من غيرك[م] فتونس ليست ملكا لأحد و استقلالها ليس من صنعك[م]، كلّنا نحبّ تونس و نفديها بأرواحنا و لكن أعتقد أنّ تونس ليست في حاجة إلى حبّنا بقدر ما هي في حاجة إلى صدق عزمنا و نقاء ضمائرنا و نظافة أيدينا. فرجاء رجاءً إنعموا بحاضركم و دعوا الشّهداء يرقدون بسلام."يرحم والديك ويعطيك الصحة يا ولاّدة في ها الكلمة . كل احترامي سيدتي.
عيد الشباب: بأي حال عدت يا عيد؟
عيد الشباب السنة جا في ظروف غرق 44 شاب تونسي ومشاكل لمبيدوزا والبطالة والأزمة الاقتصادية و(...). عيد الشباب السنة جا في ظروف (...). آه، سامحوني تفكرت اللي آنا ما عنديش الحق باش نحكي في ما يهم الشباب باعتباري تجاوزت السن القانونية اللّي تخوّل لشعبوبة ميثاق الشباب تعتبرني مازلت ... شباب! و دوّحي يا مباركة.
شهر مارس... شهر نسائي، اشكون موش عاجبو؟
البداية كانت مع اليوم العالمي للمرأة اللي هو عيدي كامرأة (هاذي شعبوبة ميثاق الشباب ماينجّموش ينكروها لكن شعبوبة الفضاء التدويني شاكّين فيها... ههه). أي عاد ها العيد حاجة باهية وخصوصا جا أيامات قبل عيد الإستقلال. دونك ما فيها باس كان نتفكرو مساهمة المرأة التونسية في الكفاح ضد المستعمر ومساندة حركة التحرير في كل مراحلها وكذلك مساهمتها في بناء تونس الحديثة والعمل الكبير اللّي قاعدة تقوم بيه في كل المواقع. باهي الإعتراف للجنس اللطيف التونسي بأنو نصف المجتمع ب"حق وحقيقي". الاعتراف هاذا فضيلة راهو. وباهي برشة زادة لو كان شعبوبة التطرف الإلحادي والإستئصالي تخطانا من تكسير البطاطا من نوع "وراء كل امرأة متحجبة رجل متسلط ومتزمت" و (...). حاصيلوا حمق وغباء بعيد عنّك! هههه
وما ننساوش عيد الأمهات وما أدراك ما تضحيات الأمهات... وبها المناسبة نرحّم على أمي الحبيبة ونقلها "نحبّك برشة وخلّيت عليّ بلاصة كبيرة. يا ريتك بجنبي يا عزيزة". ونحيّي كل أمهات تونس ونتمنّالهم التوفيق والسعادة في حياتهم وحياة أبنائهم.
الإسلاموفوبيا واللّوغو والحوار...
بالتأكيد الناس اللّي تصفحوا المدونة هاذي في الأيام القليلة الماضية لاحظو اللّوغو الجديد "لا للإسلاموفوبيا". لكي يعود ما لقيصر لقيصر أو قل ما لزيد لزيد، اللّوغو هاذا هو من تصميم خونا البرباش مشكور ومن اقتراح أختنا عبرات مشكورة. بالطبيعة اللّوغو ما حطيناهش لمجرد الزينة أو الاحتجاج الصامت. الأصل في الحكاية أنو عقب دعوة خونا طارق لنقاش موضوع الإسلاموفوبيا الشهر الماضي، عملنا مجهود لإعداد برنامج ان شاء الله باش يمثل مساهمة مدونة النضال ضد الطابور في النقاش هاذا. وان شاء الله قريبا جدا باش تنشر أختنا عبرات البرنامج اللّي تم إعدادو لهذا الغرض. ومشكورين مسبقا كل الناس (مدونين ومعلقين) اللّي يحبّوا يشاركونا في نقاش موضوع الإسلاموفوبيا.
القرضاوي... والهزيمة المرّة لليسار التونسي!
هاذي موش نكتة ولاّ عنوان دعائي في برافدا جمهورية موز عربي بلون الدم... هاذا عنوان تدوينة ان شاء الله باش نتكلّم فيها على البيانات الصحفية والعريضة متاع بعض الشخصيات الوطنية (أو هكذا وصفتهم وكالات الأنباء) ضد زيارة القرضاوي لتونس المدة الفارطة وباش نحاول نفهم السبب وراء موجة الغباء اللي قاعدة تضرب في جزء كبير من تيار يرفع في شعارات "تقدمية" و يدّعي "التحيّز" للمواطن المسحوق و"النضال" من أجل المواطنة الكاملة والديمقراطية وحقوق الانسان. ممكن التدوينة هاذي تبطى شوية خاطر توّة باش نحلّو دوسي آخر أكثر أهمية وهو دوسي كارثة تون-آنتار والأحكام القضائية الصادرة فيها. ميسالش حاجة أهم من حاجة وكيما يقولو اللي يستنّى خير ملّي يتمنّى.
في انتحال الشخصيات: رمتني بدائها وانسلّت...
سي البرباش حفظه الله وجعله ذخرا للوطن سبق وتكلّم على الترافيك متاع التصويت في تن-بلوغز (هنا، هنا، هنا) وأشار في إحدى التدوينات (هنا) اللي فمّة بعض الأمور اللّي موش مفهومة. وآنا زادة لاحظت حويجة ماذا بيّ نقول عليها أما رُدّوا بالكم تقولو اللي آنا قلت (عماد حبيب = عاشور الناجي). حاشى وكلاّ وزوز كيلو غلّة! آنا لا قلت ولا شفت ولا ريت ولا حتى قريت... ههه
أيا برّة توكّل على المولى وانقر هنا، أقرا النص المحاط بمستطيل وبعد اجبد نفس باهي وشهّد واستغفر كانك مؤمن (اما كانك ملحد قول بركاتك يا شيخ نيتشه ههه) وانقر هنا وكالعادة أقرا النص المُحاط بمستطيل. توّة انت عملت مجهود وصرفت صرفت، وسّع بالك وكمّل انقر هنا. وأكهو... ههه
التصنيف ما بين الكوجينة والمدونة...
كنا هنا أطلقنا حوار داخلي علني حول حكاية "نشر تصنيف المدونات". لكن بسبب غياب تانيت في مرحلة أولى لظروف مهنية وغيابي آنا في مرحلة ثانية بسبب المرض، الحوار هاذا ما تواصلش وما كملش. ممكن راهو بعض القرّاء يتساؤلو هل تخلينا على الفكرة؟ لا يا سيدي، عمرنا ما تخلينا على الفكرة ولو كان تغيرت المعطيات راهو تم نشر توضيح بهذا الخصوص وان شاء الله في التدوينة هاذي باش نكمّلو حوارنا. آنا باش نبدا من توّة بسحب قائمتين من الهيت-باراد متاع الغباء والحمق والبقية تأتي.
ملاحظات لبراستوس...
في الثلاثية الأولى من 2009، صارو على الأقل 4 أزمات في البلوغوسفير التونسي. لوّلة على هامش العدوان على غزة، الثانية على خاطر حكاية تصنيف المدونات، الثالثة على خاطر موضوع الإسلاموفوبيا والرابعة وان كانت أقل حدّة على خاطر زيارة القرضاوي لتونس. الأزمات هاذي بيّنت اللّي جو البلوغوسفير مشحون وكشفت التخندق والتكاتف السلبي والمجاني ل"جبهة المدونين اللادينيين والملحدين" إذا صح التعبير. الكلام المرزي والفاحش والسبان كان موجود بالطبيعة. ياخي يجي منو زردة بلا كسكسي؟ مانيش باش نتكلم على الكلام اللي تقال علينا. موش من عوايدي لعب دور الضحية. لكن خلّيني نتكلم على حالة معينة هي السب اللي تعرضلو طارق في التدوينة هاذي من لدن مدون صاحب أخلاق عالية (وفي رواية أخرى تفيض عيناه بالدموع ورعا وتقوى). العديد من المدونين ما عجبهمش الحال باعتبار الأمر وصل إلى حد غير معقول (قذف بعبارات من قبيل حثالة، سلة مهملات، خوانجي، إلخ). في الظروف هاذي يقوم براستوس بكتابة تدوينة (هنا) يوصف فيها الناس اللّي نددت بالمستوى الأخلاقي الرفيع لمدون من جبهة الأغبياء الجدد بالنعاج ويوصف طارق بلية العلوش اللّي النعاج هاذوما تتفخر بيه. أعتقد أنو مدون يقدم في روحو على أنو معتدل وعقلاني ورزين ويسمح لنفسو باش يعطي دروس في أبجديات الحوار والأخلاق واحترام الآخر إلخ إلخ، لو كان حقا ملتزم بمبادؤ اللي صدّعلنا بيها روسنا النهار بطولو وبها الدروس اللي ما يتفكرهم كان كيف يحب يواجه خصم ما يعجبوش، موش ممكن تصدر عليه تلميحات جبانة من النوع هاذا واللي فعلا تعبر على مستوى أخلاقي في الحضيض. فمّة فرق كبير ما بين أنك تنتقد تصرّف أيّ كان -مهما كان ها التصرّف- وما بين أنك توصف الشخص بنعجة. قلّو نلمّح لاجتناب الشخصنة؟!
على كل حال، يبدو أنو طارق أوقف ظهور بعض التعاليق في التدوينة اللّي بدا فيها الجدال (أو ربما لسبب تقني أو أسباب أخرى أجهلها) لأنو تعليق عبرات ما عادش موجود وكذلك تعليقي آنا لوّل اللي سألت فيه صاحب المكانة الرفيعة قدّس الله سرّه عن سبب استعمالو لصفة "خوانجي" بإفراط وطلبت منّو تفسير -وما جاوبش كالعادة- وتعليقات أخرى بما فيها تعليقات المدون هاذا. توّة خلّينا نتكلّمو في صلب الموضوع. قام براستوس بالرّد على تعليقي هنا بتعليق في تدوينة طارق (التعليق التاسع حاليا) ثم كتب زوز تعاليق في التدوينة هاذي (التعاليق 35 و 36). في التعاليق هاذي الكل (واللّي في البداية كنت باش نرد عليها نقطة بنقطة وتهمة بتهمة، لكن عامل المرض خلاني نأجّل الأمر وتوّة موش باش نرد عليها لأسباب باش نذكرها تباعا في ما يلي) برّر تهمة "التخونيج" اللّي رمانا بيها المدوّن المتربي (والعديد من المدونين ذوي الأخلاق الحميدة) وأسهب في حكاية الطابع الديني لمدونتنا (تقولش علينا حالّين زاوية سيدي محرز والشيء لللّه يا شيخة عليسة! ولاّ بالكشي حلينا قناة بن لادنية تقودك للجنة بالسلاسل ونقدم فيها في فتاوي كفتاوي زعيم حزب الديك وآنا ما فيباليش؟) وكيفاش احنا استعملناه هو ومدونتو في حكاية التصنيف وعلّق على كلمة "طحت من عيني" وجبد دوسي محمّم متاع تعاليق مقزّزة تبادلهم مع مجموعة من أصحاب الشهائد في ميدان الأخلاق الحميدة والسلوك الحضاري. هذا الكل موش مهم. علاش؟ كان كل حد يعارض أفكارك بالضرورة خوانجي وإرهابي ومتزمّت وإسلاموي وعدو للديمقراطية وهلم جر فهذيكة مشكلتك إنت ومشكلة مبادئك اللي مخلّيهم مجرّد شعارات شبيهة بالشعارات القزوردية. وكان جبدان دوسي التعليقات اللاأخلاقية تحاول من خلالو تلمّح ولو بطريقة غير مباشرة، إلى احتمال وقوفنا وراء التعاليق هذيكة كيف ما سبق ولمّحت بكل وقاحة إلى احتمال وقوفنا وراء قرصنة مدونة "تونسي ببلد البنوك" فالبينة على من ادّعى وكان عندك دليل تكلّم وورّيني شنوة تنجّم تعمل. نرجع توّة لصفة النميمة اللي وصفتني بيها قال اشنوة قاعدة نقرض فيك في غيابك. شي يفرطس والله! توّة بربي في شكون تستغبى؟ ياخي موش صاحبك اللّي تدافع عليه هو صاحب المشكلة والتدوينة متاع طارق هذيكة بالذات كانت سخونة وعيطة وشهود وايمايلات وفايسبوك وواكلة بعضها؟ ياخي تسخايب آنا خايفة منك ولا حاشمة ولا وقت اللي كتبت التعليق موش عارفة اللي تاليفوناتكم باش تخدم ولخبر باش يوصل في لمح البصر؟ ما شفتش روحك انت كيف تقرص ويدك تحتك وترمي في الكلام تلميح خاطر ما عندكش الشجاعة تقولو صراحة وعلنا أو بالأحرى باش يمسّ بصورة "الاعتدال" الزائف اللي تحاول تقدّمها في البلوغوسفير! ثم إنت سبقلك وأعلنت مقاطعتك لمدونتنا في برقية مساندة لجماعتك وهاذا يدل برشة على مدى تجذّر ثقافة الحوار اللّي تنادي بيها في مدونتك وتعطي عليها في الدروس وتأصّلها فيك. ياخي لها الحد باش نتنازل على كرامتي ونجي لمدونتك نعلّق؟ فرحانة بيك برشة؟ عمرك ما سمعت بمبدأ "المعاملة بالمثل"؟
خلاصة الحديث ومن غير برشة كلام، نظرا لأنك إنسان يعدّي علاقاتو الشخصية قبل المبادئ اللي يتشدّق بيها ونظرا لسكوتك على الفضائح اللّي يعملوا فيها جماعتك وعدم اتخاذك مواقف مشابهة للمواقف اللّي اتخذتها ضد خصوم ايديولوجيين (بل ودفاعك عنها في أكثر من مناسبة في الوقت اللّي البعض من الجماعة اللي وصفتهم بالنعاج سبقلهم ووقفو ضد تيتوف هنا لمجرّد الشبهة رغم اللّي حكاية القرصنة كانت مجرّد حركة قذرة من عند جماعتك. وكيما سبقلّنا ووقّفنا معلقين عند حدّهم وقت اللي هاجمو بألفاظ نابية جماعة سبق وسمعونا الكلام على مدوّنتنا على خاطر احنا ما نزايدوش على مبادئنا وما ننحاز حتى لحد ولاّ لموقف بدون الرجوع ليها) ونظرا لأنك حاولت القفز على موضوع القرصنة لتشويه البعض بما فيها مدونتنا ونظرا لأنك سكت عمدا على حكاية انتحال الشخصيات ونظرا لأنك تعتمد مقياس الكيل بمكيالين ونظرا لأسباب أخرى كثيرة فإنو آنا شخصيا قرّرت باش ما عادش ندخل معاك في أي نقاش مهما كان واعتبار مدونتك مجرّد حجرة في حومة البلوغوسفير ومقاطعتك انت والمدون المتربي برشة اللّي رتبت انت وياه طلب انسحاب متزامن من قائمة التصنيف للتغطية على الأزمة اللي جماعتك لقاو فيها رواحهم. من حقك باش تقول اللّي تحب. واعرف اللّي عليسة أكثر حاجة تكرها في حياتها هي النفاق والترهدين. ملاحظة أخيرة، اللّي يسمح لروحو باش يهبط لمستوى معين مرة، قادر في كل وقت باش يوصل للمستوى هاذاكة.
وتوّة خلّيني نحكي في المهم خاطر مانيش فارغة شغل وما عنديش بزايد وقت نضيّعو في الحكايات الفارغة... انتهى.
نتأسف جدا لكل قرّاء المدونة ورواد البلوغوسفير. آنا مانحبش التدوين المشخصن ومتاع عرك الحوم. لكن السيد هاذا سبق وكتب عدّة أشياء اللّي نرا من واجبي أنّي نوضّح موقفي منها. نتمنّى أنو الأمور هاذي ما تتكرّرش في المستقبل وخلّينا نرّكزو في مواضيع أكثر أهميّة. المرّة الجاية بحول الله نكتبلكم حول حادث الطيران متاع تون آنتار اللي صار في 06 أوت 2005. وشكرا للجميع على المرور وآسفة مرّة أخرى.
شكرا ليك عليسة...
أهوكة السكريبت متاع اللوغو موجود (هنا) لمن يرغب في إضافته للمدونة متاعو.
بربي تفسرلي لواش جابد المدونة متاعي في حكاية ''عاشور ''.
يكون في علمك اللي عاشور اللي نحكي عليه ماعندو حتى علاقة بالمدون...الراجل عمرو فوق الستين...اسمو عبد النبي عاشور..يقري في كلية العلوم متاع تونس اشنية هالحكاية المڨحولة اللي جايبينها مالحيط.
والمرة الجاية كي تحفترو ليا مالمدونة متاعي ماهو اصرفوا وقولو راهو جبناها مالبلاصة الفلانية.
البرباش:
شكرا على المجهود ومرحبا بيك.
تونسي من جينيف أو تحديدا من لوزان:
ظاهر فيك عندك برشة حاجات تحب تقولهم المرة هاذي خاطر نهار كامل وانت "رايح جاي" كيما يقول المصري. ميسالش خوذ فرصتك كاملة. ههه
"بربي تفسرلي لواش جابد المدونة متاعي في حكاية ''عاشور ''."
الإجابة بديهية ياسر.
"يكون في علمك اللي عاشور اللي نحكي عليه ماعندو حتى علاقة بالمدون...الراجل عمرو فوق الستين...اسمو عبد النبي عاشور..يقري في كلية العلوم متاع تونس"
الأمور موش بالثيقة وبالكلمة راهو. هات ما يثبت كلامك.
المطلوب تجيبلي: المقال العلمي اللي يحمل اسم "عبد النبي عاشور" والرابط اللي يهز للمقال هاذا على موقع المجلة اللي نشرتو (وين يحطو اسم الكاتب وعنوان المقال والأبستراكت متاعو تحديدا)، وتجيبلي زادة ما يثبت أنو السيد هاذا عندو علاقة سابقة أو حالية بكلية العلوم بتونس.
كيف تقدم المعلومات هاذي ونتأكد أنو وقع خلط وقتها فمة كلام.
"اشنية هالحكاية المڨحولة اللي جايبينها مالحيط"
شيء مازلت شادد في اللازمة الشعرية متاعك؟! بدل شوية راهو الروتين يمرض... ههه
"والمرة الجاية كي تحفترو ليا مالمدونة متاعي ماهو اصرفوا وقولو راهو جبناها مالبلاصة الفلانية."
شوف هاك المقال العلمي ولا الكتاب الهايل اللي سرقت منو معلومات قيمة باش نقدمها لنيل جائزة نوبل.
وري الضو لعويناتك وعوينات صاحبك وقلو كيف يجي يسب المسلمين والاه المسلمين ورسول المسلمين بمواد من مواقع التبشير ومنتدى اللادينيين العرب ما يحشمش ويحط الروابط. هههه
ومن غير تمقعير، الناس اللي موجهلها النص متاع "انتحال الشخصية" الكلهم يعرفو مصدر الاقتباس اللي عملتو. هاذاكة علاش في الزوز اقتباسات لخرين تعمدت نظهر المصدر. خدم مخك شوية يعيشك!
في انتظار الإثباتات اللي طلبتهم منك، خليني توة عاملة بون كيف على تدوينتي الجاية. ههه
بالفعل اثبتولي اللي انتوما اولى مني بنعت الغباء
لذا توا الواحد بش يحكي معاكم فالرياضيات وانتوما سميغ كافي مالمعلومات حولها ماتكسبوهوش زايد وتضييع وقت...ا
انا نصحتكم انكم تتجنبوا الوقوع فالخطا والاستمرار فيه خاطر السيد اللي نحكي عليه(الدكتور عاشور) نعرفو جد المعرفة لكن انتوما مازلتو شادين صحيح في كونو فما حكاية انتحال و ترهات اخرى.
صحيح مدونتي ماهيش ''مقال العلمي ولا الكتاب الهايل'' لن في مدونتي مانجيبش حكايات ونعاود نقولهالك ''مالحيط ''. وتوا اعمل كيف على تدوينتك كيما تحب اما نعاود وناكدلك ''غالطين فالادريسة ./
هههههه قبل ماننسى
http://smt.50webs.com/fr/presentation.htm
الغباء يا سي المتربي برشة كيف تجي ترمي كلام فارغ متاع تطييح قدر لمجرد أنك تحب تغطي على واحد أغبى منك. رغم قلة لحيا والتربية متاعك سابقا، آنا كنت منفتحة للحوار معاك وكنت نستنى منك فعلا خطوة في الاتجاه هاذا. وآنا ما يقلقنيش لو كان نطلع غالطة خاطر تعلمت كيف نغلط نعتذر ونطلب السماح. الشيء هاذا واحد قليل تربية كيفك ما يعرفوش وعمرو ماقراه.
"لذا توا الواحد بش يحكي معاكم فالرياضيات وانتوما سميغ كافي مالمعلومات حولها ماتكسبوهوش زايد وتضييع وقت...ا"
هاذا واحد من الدلائل موش فقط على قلة التربية متاعك ولكن على الغباء زادة. وين تعرفني ولا تعرف تكويني العلمي اشنوة باش تحكم علي "سميغ في الرياضيات". ثم شبيك تحكي بصيغة الجمع؟ تسخايب بطريقة التقزيم هاذي أثبت فعلا اللي آنا غالطة؟ قوي ياسر "المنطق الرياضي" متاعك!
ما تنفخش روحك برشة وتواضع ويزيك من لغة التكبر والغرور خاطر باللي تعمل عمرك ما توصل لمستوى ناس نفعت الانسانية وماتت في صمت. وانت النهار بكل تحكي بالشهائد والسي في والرياضيات والمعادلات قول عليك كان انت قريت رياضيات في البلاد. ماو لاباس تقزم في العباد وما عاجبك حد والناس الكل كعبة لا وانت الوحيد اللي تفهملها؟ ياخي هذاكة حد نيتك؟ شيء يسخف ولله!
"انجيبش حكايات ونعاود نقولهالك ''مالحيط ''"
ماهو قتلك عنك عقدة نفسية كبيرة أضف ليها أخلاق في الحضيض والنتيجة واحد كيفك.
"نحكي عليه(الدكتور عاشور) نعرفو جد المعرفة"
حكايات المعرفة الشخصية للسيد هاذا واللعب على تشابه الأسماء والتطمين السطحي والثقة اللي تحاول تعطيها للقراء ما عندها حتى معنى. إنت ماكش مرجع وكان عندك ما تقول في روحك جيب الإثباتات اللي قتلت عليها (اللي بفمك تكلمت عليها في مدونتك وإذا تطلع موش موجودة معناها اثبات فعلي لغبائك خاطر قاعد تستغبى في الناس وتكذب عليهم). سينون أدخل ببوشتك واسكت وفك عليك من لعب دور لافوكاتو بالوكالة. عاشور عندو صوابع هو زادة وينجم يدافع على روحو. وعلى كل، صاحبك أثبت الكلام اللي تقال عند البرباش وفي المدونة هاذي بتدوينتو متاع اليوم.
وتوة حاجة من ثنين يا تجيب اللي قتلك عليك يا ما عاد عندي ما نحكي معاك. فهمت ولا نزيد نعاودلك؟
آه نسيت اللي انت باش تحل لوناس اللي في فمك! ماتخافش القذارة اللغوية ما عادش توكل توة.