1. Le tribunal italien s'est autosaisi de l'affaire alors que les expertises internationales avaient démontré que l'amerrissage avait eu lieu dans les eaux internationales.2. Une indemnisation d'un montant total de 22 millions d'euros a été accordée aux survivants et aux familles des victimes, et ce dans un délai record (moins d'un an). Cette indemnisation a été versée par les assureurs de la compagnie Tuninter et du constructeur de l'appareil (ATR).
3. Les peines prononcées sont nettement plus lourdes que celles décidées en Italie dans des accidents d'avions plus graves.
4. Il est paradoxal de constater que le commandant de l'appareil, qui avait été reconnu comme un héros 'par la presse, par l’Association des pilotes et par l'opinion publique en Italie, a été condamné à une peine de prison alors qu'il avait réussi un extraordinaire amerrissage parvenant à sauver la vie des deux tiers des passagers.
5. Il a été démontré par des experts italiens internationalement reconnus que l'accident est largement imputable aux insuffisances techniques de l'appareil. De ce fait, les tentatives visant à impliquer les dirigeants ou les responsables techniques de la compagnie Tuninter ne sont guère justifiables.
6. Il y a lieu de déplorer la tournure mediatico-politique prise par cette affaire et les pressions qui semblent être exercées par certaines parties cherchant à occulter la part de responsabilité qu'assument indéniablement d'autres parties dont notamment le constructeur italo-français de l'appareil.
7. La compagnie Tuninter a chargé ses avocats d'interjeter appel suite au jugement prononcé par le tribunal de Palerme
بعض المدونين والكتاب الأجانب اللّي ما عندهم حتى علاقة بتونس كتبو في الموضوع. بعض الأمثلة هنا وهنا وهنا. الملاحظ أنو المدونين التوانسة على عكس الأمثلة اللّي قدمتها لنظرائهم الأجانب، ما تكلموش على المعطيات التقنية للحادث واللّي تخلينا نحكم بموضوعية على سرفيس تون آنتار للصيانة، الطيارين، مراقبة الملاحة الجوية، إلخ من العناصر اللّي تخلينا نوصل إلى استنتاج موضوعي ومحايد بخصوص مسؤوليات كل طرف عندو دخل في اللّي صار وبالتالي قراءة حكم المحكمة الإيطالية القراءة الصحيحة. فمّة زادة الجانب القانوني والإجرائي اللّي يتم تناولو في مثل هذه الحالات واللّي في اعتقادي ما خذاش حظو من البحث والتنقيب (موضوع التدوينة القادمة ان شاء الله).
المعروف في العالم كامل أنو عند حدوث حادث يهم وسيلة نقل (قطار، سفينة، طائرة)، فمّة إدارة غالبا حكومية تُعنى بسلامة النقل تقوم بفتح تحقيق لتحديد أسباب الحادث والسيناريو اللّي وقع حسبه هذا الحادث، بهدف اتخاذ الإجراءات اللازمة لضمان عدم تكرار الحادث اللّي حصل. مثلا في الولايات المتحدة فمّة آن تي آس بي (National Transportation Safety Board - NTSB)، في فرنسا فمّة مكتب الأبحاث والتحاليل (Bureau d'Enquêtes et d'Analyses - BEA) و في تونس -على حد معلوماتي وكان فمة اشكون عندو معلومة أخرى يقلّي- ما عنّاش حاجة شبيهة لكن فمّة الإدارة العامة للطيران المدني اللي تتكفل بالشيء هاذا في حالة حوادث الطيران. بالنسبة للتحقيق هاذا، الهدف منّو هو تعزيز السلامة في المستقبل وموش العقاب لأنو تحديد المسؤوليات والعقاب يدخل في نطاق اختصاص السلطات القضائية اللّي تقوم باللازم بالإعتماد على نتائج التحقيق والخبرات اللّي تراها ضرورية لتحقيق العدالة.
في قضية الحال -كيما يقولو المحامين ههه-، الوكالة الوطنية الإيطالية لسلامة الطيران آنسفي (Agenzia Nazionale per la Sicurezza del Volo - ANSV) هي اللّي قامت بالتحقيق في حادث تون آنتار وقامت بنشر التقرير النهائي لهذا التحقيق منذ مدة. وعلى أساس هذا التقرير، صدرت الأحكام ضد موظفي تون آنتار. تلقاو هذا التقرير مباشرة على موقع الإدراة هاذي هنا وتلقاو زادة نسخة احتياطية هنا.
مدونة النضال ضد الطابور الخامس باش تقدملكم قراءة لهذا التقرير ابتداءً من التدوينة الثالثة حول هذا الموضوع. بالطبيعة القراءة قايمة على معرفة علمية وموش مجرّد قراءة خالية من أي خبرة في الميدان. والتدوينة القادمة ان شاء الله باش تتكلم على بعض الأمور الاجرائية والقانونية وكذلك جانب من الموقف الرسمي للحكومة التونسية ممثلة في الإدارة العامة للطيران المدني.
أية باهي عليسة أنا بيدي نستنى في تحليل فيه الجانب التقني في الموضوع... طبعا انجمو نتحدثو في ردود أفعال إعلامية و طريقة تقديم الخبر في بعض وسائل الاعلام أما نقاش التفاصيل التقنية يبقى ضروري
مرحبا سي طارق،
آنا ننطلق من مبدأ أنو كل موقف مهما كان يلزمو يكون مدعم بحجج. هذاكة علاش حبينا ولا كرهنا الجانب التقني للقضية يلزمنا نطلعو عليه. آنا ولله الحمد، وصلت اطلعت على جزء كبير من تقرير الآنسفي وأعتقد أنو فما ما يكفي من النقاط لتعزيز موقف مقابل موقف آخر.
مانحبش نعطي موقفي مبكرا ونفضل أنو الشيء هاذا يقعد آخر حاجة.
شكرا ليك على المرور ومرحبا بيك.
@قاسم:
عفوا لن أرد على ما قلته لأن ذلك من مشمولات عليسة باعتبار أنك وجهت كلامك إليها وتعقيبا على تدوينتها. لكنني كمشرفة على هذه المدونة، أسهر على احترام قانونها وفرض هذا الإحترام على الجميع محررين ومعلقين. لذلك وجب لفت نظرك إلى أن تعليقك يخالف الفصل السادس من قانون هذه المدونة فيما يتعلق بالثلب والتشهير. ولأنني ملزمة باحترام هذا القانون الذي وقع عليه فريق مدونتنا فإنني ملزمة أيضا بحذف تعليقك خلال مدة لا تتجاوز 48 ساعة من تاريخ نشره.
لذلك أرجوك رجاء حارا ألا تعود إلى مثل هذا الصنيع حتى لا أضطر إلى أن ألبس جمازة عمار. وما ذلك إلا بأبغض الأشياء لنفسي. وشكرا.
يا قاسم قاسم رئيس الجمهورية (متاع الناس اللي عندها اضطراب نفسي)، آشبيك ماكش في قمة الدوحة؟ ياخي موش عندك باسبور كندي يدخلك لقطر من غير فيزا؟ ولا الجماعة تلمو من تحت حس مس وما قالولكش؟ ههه...
آه مالا قتلي باش تعلمني الطب وكيفاش نعالج الدم الفاسد؟ بارك الله فيك على هالكرم الفياض؟ موش كان مشيت انت لطبيب خير؟
توة ما تحشمش على روحك متخبي ورا أورديناتور في تورنتو وعامل فيها دونكيشوت وتتكلم على المساجين والطلبة ودرا شنوة؟ اي كيف انت موش عاجبك الوضع وتحب تبدلو، اشبيك ماكش في تونس وتناضل على الميدان ولا التنبير نقدرو عليه والفعل يجيبو ربي؟
واسمع يا سي قاسم، تونس والتوانسة ماهمش في حاجة لجبان ولا مجموعة جبناء باش يفرضو عليهم برنامج سياسي. فهمت؟ وخلي البلاد لاولادها اللي يعرفو كارها توة يقدوها وكان فيها حاجة معوجة توة يصلحوها وانت شيخ روحك بالتنبير ورا اوردي في بلاد اخرى وباسم مستعار.
فمة حاجة اخرى، المرة الجاية كيف يضهرلك باش تحكي معايا فك عليك من الالغاز خاطر آنا ما نتعاملش بيهم. كوارتنا مكشوفة وتعاملنا مع الناس شفاف وذمتنا خالية من كل الأوزار بحول الله. لذا ماذا بي تتشجع شوية وتقلي اشكونو هاذا بلعوطنا؟ انا في بالي فمة ثلاثة بنات في المدونة هاذي والعنصر الرجالي مقطوع. موش على خاطرنا ساكسيست اما هكة، حبينا نوريوك انت وأمثالك اللي المرأة التونسية عندها ما تقول في روحها زادة. وانت صرفت صرفت تقلي زادة اشكونهم الجماعة اللي جاو يشكيو منا؟ اشنوة؟ ولات قبائل وغزوات ورسل للتهديد وجماعات صلح؟ هاي ولات الجزيرة العربية في عهد الجاهلية وآنا ما في باليش؟
اي عاد قتلي باش تحل علينا حرب؟ قداه حضرت من "رجل"؟ قر قر تجيك خفيفة ههه؟ زعمة باش تبعثلي الآف ثمنتاش متاع النوراد ولا الحارة بي تو متاع دياغو غرسيا؟ ههه
ربي معاك يا سيد الرئيس... ههه
ملاحظة أخيرة: رد بالك راهو فمة قانون وبوليس وعقوبات في المدونة هاذي. الدنيا موش مسيبة والقانون هاذا نطبقوه حتى على الرؤساء راهو... الله غالب ما عندكش حصانة وما نستعرفوش بالجمهورية متاعك... اي مالة ساعد روحك المرة الجاية! باهي؟
تعليق قاسم مرسل بتاريخ (الأحد, مارس 29, 2009 9:44:00 م). تم حذف بعض مقاطعه ليطابق الفصل السادس من قانون المدونة. أعيد نشره بتاريخ (الثلاثاء, مارس 31, 2009 1:51:00 ص) مع حذف الأصل:
Blogger kacem يقول...
1- بسم الله الرّحمان الرّحيم
2- باهي الطيارة هذه ، سميتها في الجمهورية ...طيارة تيتانيك ...و أرجعي لتونزين يا عروس البحر ، تلقي الحكاية متع تيتانيك في عدة حلقات !! وقتها خرج علينا سي طارق بن زياد بفازة ...قال بالي الشوفير طيارة كبير و ما كيفوش ...قتلو راهي الطيارة طاحت في البحر ...و فاسدة !!! المّهم الحادث بيّن بالواضح بالي (...) و (...) باش إتهّز الناس للهاوية و ذلك لآنو الماكينات ألكلّها ما تصلحش ...و يحسابو أرواحهم ما كيفهومشي ...باش الطيارة أطير و توصل لاباس لا بد من إدارة منضمّة و ما فيهاش رشوة و لا بد من ناس مسؤولة !!! و الشيئ هذا ما عندناش في تونس في ضل (...) ....
- إذا سبب طياح تيتانيك هي (...) و الهزّان و النفضان متع ناس روسها من الحشيش ما إتزهاش
- إنتم طالبين إنكم تتطلعو على التكنيك متع الطيارة ...يا خي ما إسمعتوش الكونتاكت متع الموتير ...الشوفير طلب من الميكانيكي باش إخطفو ...و لا حب ...إيه معناتها الطيارة فاسدة إمصّدية ...ما تصلحش ..لازمها تقعد على الآرض موش إطير شاقة البحر ...و لكن العملية صارت ...لآن أصحاب الشركة حاجتهم بالفلوس قبل كل شيئ و لو على حساب حياة المسافرين ...
في الواقع و في أغلب الحالات سقوط الطائرات مربوط اساسا بغلطات إنسانية ...الشوفير يغلط ...لآنو صناعة الطيارات راهي صناعة عسكرية في أغلبها ...و صعيب ياسر باش موتير يحبس في الهواء ..لا طاح لا دزّوه.
- طالبينش حاجة أخرى إنتهم و بلعوط البلوقسفار ...على علمي إختصاصو فنّ ، و تاريخ الفنّ ...راهو الشيئ هذا بعيد ياسر على الميكانيك و التّريسيتي و الطياران ...و كانك إنت تفهمي في الحكايات هذه زاده و طالبة شويه علوم !!!! عندي !!!! أما موش في الطيران...في حاجة أخرى !!! إسمها الدّم الفاسد ..في الواقع طب!!!
- توه جاتني برشة ناس تتشكى منّك إنت و جماعتك و بلعوطكم ....إشبيكم داخلين في الناس ...و نهار و ما إطولو شدين في الطابور الخامس ؟؟؟؟ ما عندناش في تونس حاجة إسمها الطابور الخامس أبدا !! ما إتقولوليش إنتم حلين حرب على إشكون ؟؟؟؟ على الهواء ،،، على الفضاء ؟؟؟ راهي ثقافة تحت الصّور راهي ماهيش غريبة علينا و متعنا و فرحنين بيها ...و بعيدة ياسر على الي قاعدين تعملو فيه إنتم و جماعتكم !!!
إنتم هاكم قاعدين تستعملو في إساطيل جوية و طائرات عسكرية و تهويل الخصم ألي درجة أنو وليتــــــو مرضى بالصّورفوبيـــــا على وزن أسلامفوبيا : الي البلعوط متاعكم مختّص في الشيئ هذا و حال خرمولوجيـــا بلا حتى شيئ !!!!
إنتم راكم مشاركين في الفو ديبا الي موجودة اليوم على البلوقسفار !!! و قاعدين إتعطـــو و تبكو و إتهولو في حاجات لا معنى لها جملة ...
وقت الي الناس لازمها تاقف مع المساجين السياسين ، مع الطلبة المضربين مع جماعة قفصة مع جماعة الرّديف ...إنتم شادين الرّبط لصـالح و زيد مشى لفيلم
هاتو البلعوط متاعكم ..و أوضحولو أوموركم في السياسية الداخلية متع البلاد ..و أكتبو في الموضوع الي ينفع الشعب التونسي ...أكتبو على المضربين ! على الطلبة على المساجين ..على إنتخابات الخربقة !!! و إلا بلعوطكم ..ما إنجمهاش...فلاح كان في الفورمولوجيا الفضائية ..
فيدك جمعة ما يتبدّلش إسم المدّونة هذه !! أقسم بالله العظيم كان ما إنحل عليكم حرب لا نرحم واحد فيكم ...ببلعوطكم متع البلوقسفار بعروسكم متع البحر و بعريسكم متع البر