شَالومْ عليكم يا جماعة!
آشبيكم باهتين؟ آه، شَالوم؟ ياخِي ما فيبالكُمْشْ؟ ماهو التطبيع ولاّ لاموضة هالأيّامات... ياخي من حينك شْرَيت قاموس عربي/إسرائيلي، عفوا نُقصُدْ منجد عربي/عبري وقلت نتعلّم كليمات من لغة بلاد العلم والديمقراطيّة انْدز بيهم فازتي قدّام الجْماعة لِمْطبْعينْ (معناها اللّي هوما وإسرائيل في الطَبْعة أو بالفقهي الوحْل، الفلسطيني للشّوشة) باش مايقولوشْ عليّ طافية وقُعْرة ومتخلّفة ووبالمرّة يِحْسبوني من الجِْماعة "اللّي يفهمولها"، حتى شويّة بركة ميسالش!
آشبيكم باهتين؟ آه، شَالوم؟ ياخِي ما فيبالكُمْشْ؟ ماهو التطبيع ولاّ لاموضة هالأيّامات... ياخي من حينك شْرَيت قاموس عربي/إسرائيلي، عفوا نُقصُدْ منجد عربي/عبري وقلت نتعلّم كليمات من لغة بلاد العلم والديمقراطيّة انْدز بيهم فازتي قدّام الجْماعة لِمْطبْعينْ (معناها اللّي هوما وإسرائيل في الطَبْعة أو بالفقهي الوحْل، الفلسطيني للشّوشة) باش مايقولوشْ عليّ طافية وقُعْرة ومتخلّفة ووبالمرّة يِحْسبوني من الجِْماعة "اللّي يفهمولها"، حتى شويّة بركة ميسالش!
وأهَوْكة الواحد يختلط ويطَبّع فمّاشي ما تهبْ عليه رياح الديمقراطية والعلم والفهم و... و... ويسَهّلْشِي ربّي، الواحد في آخر عُمْرو يولّي انشتاين زمانو ويطلّع نظريّة ولا زوز يصْنعوا بيهم صاروخ ولاّ قنبلة نقضِيو بيها على الغباء والإرهاب الإسلامي وحتى الدين الإسلامي بيدو كان لْزم... ياخي أشبيك، احنا عنّا اليهود وما أدراك ومازلنا في حاجة للإسلام والمسلمين، جماعة متاع بول البعير وإرضاع الكبير ونكاح الصغير؟! (وكأنو اليهود ناقصين!) وجماعة فاشيين يمْنُوا بالآخرة والحور العين والجنود التي لم ولن يرَوها؟! أه مّالة ياخي أشْ تِسْخايل انت؟ التطبيع راهو الكلّو فوايد وفيتامين، الله ومْصَلّي على سيدْنا النبي...
آما لحقيقة اليوم تفرّجت في خطابات ناريّة متاع زوز رهوط يحاربوا في التطبيع وما يحبّوش الشعب أو بالأحرى الشعبوبة العربيّة المسلمة المتخلّفة تُخرج من غياهب الانحطاط والرجعيّة والخرافة وتولّي "شعب" عندو كرامة لأنّو باش ينالو شرف خدمة شعب الله المختار ويعيش من أفضالو وبالبركة متاعو... أيّ سيدي هالرهوط اللي عاملين رواحهم زعامات عربية اللّي يقلّك، هازّينا لجهنّم القومجية والفاشيّة العربية الاسلامية في حين أنّو أُمّنا الحنون وتاج راسنا إسرائيل تُوعد فينا بجنّة الفسفور الأبيض وفردوس اليورانيوم المنضّب! توّة بربّي موش كفر كيف واحد يخلّي الجنّة ويختار الجحيم؟
أيّ من غير منطوّل عليكم الهدْرة. باختصار، اليوم تفرّجت في خطاب "جلالة الملك خادم الحرمين الشريفين" في الأوناس العربي، عفوا نُقصد القمّة العربيّة الغرّاء في الكويت. هو لحقيقة كان ماجيتشْ نعرف طلْعتو الملكية البهيّة بهاكْ اللّبْسة متاع البدو والعجْلة اللّي على راسو ومقمْرتّوا بهاكْ الكُوبْ متاع العتروس نْقول قاعدة نتفرّج في تلميذ سنة ثانية يهجّي في درسوا ومتلعثم خايفْ من مسعودة اللّي باش ياكلْ بها على مشومْتو لو كان تطْلعْ الكلبة بنت الكلب حاشاكم، للمُعلّم متاعو! السيّد شاددْ أعلى منصب في بلادو وقاعد على قلوب آش وثلاثين مليون من مواطنيه وما يعرفْش يَقرى نص بالعربيّة الفصحى! كلّ جملة ما يتعدّاها إلاّ ما يعملْ على الأقلّ غلطة! وينو السيّد اللّي كتبلو النص؟ آشبيه ما حفظّهولوش بالقدا ولا قصْ النزاع وقام قراه في بلاصتو؟
وآنا نقول أشبيهم يقولو السّعودية "دولة إعتدال"؟ ونكسّرْ في راسي نْحبّ نفهم علاش إسرائيل بالت على العرب الكلّ بالواقفة بلا حشمة ولا جعرة وكمّلت مِسْحت القاذورات متاعها حاشاكم، بالبابيي تواليت من نوع مبارك وعباس وآل سعود؟ صار هو لحديث هكّة! برّة، برّة هاني بْديت نفهم!
باش ماتقولوش علّيسة تنبّر وتهزّ مالجابية وتحُطّ في الخابية شوفو هالمقتطف على إيلاف (اللّي هو على فكرة موقع عامل فيها زعمة زعمة ليبرالي تقدّمي وهو في الحقيقة منبر للطابور وقاعدة متقدّمة للبروبغندا الرسمية السعودية ومن يدور في فلكها) في هذه الصفحة بعنوان برّاق "العاهل السعودي يفاجئ الجميع حتى اسرائيل"!
السي المنبطح أفندي قالّك التوراة تقول "العين بالعين وإسرائيل قْرَاتها العين بعيون"! ياخي حتى واحد من المستشارين متاعك اللّي يبلْعو في فلوس النفط بلْعان، بينما شعبك جيعان، ما قْرالِك آشنوّة يقول التلمود لبني إسرائيل في تعاملهم مع "الأميّين" (ومفهوم الأميّين في التلمود موش الناس اللّي مايعْرفوش يقْراو ولاّ يقراو هكّاكة وبرّة كيف المنبطح بأمره -بأمر بوش الصغير- وإنّما هوما الناس اللّي ماهُمش من بني إسرائيل أو بالأحرى من الأسباط الإثني عشر واللي سبق لواحد "يفهملها برشة" حكى عليهم في مدوّنتو، وهذاكة علاش يهود الفلاشا مثلا يعانِيو من العنصريّة في الدولة "الديمقراطيّة")؟
باهي كيف حضرة جنابك تستشهد بالقرأن، ياخي ما في بالكش اللّي ربّي سبحانه وتعالى قال لعباده المؤمنين [اللّي ما يفهمولها حتّى كعبة بالطبيعة!] الظلم حرام واللّي من واجبهم نُصرة من وقع عليه الظلم ولو كان غير مؤمن؟ ياخي وينْهم هاك 140 آف-15 آس اللّي دفع فيهم الشعب السّعودي دم قَلْبو ووينْهم زادة آف-16 و 72 الأوروفايتر تايفون متاع فضيحة "صفقة اليمامة"؟ ماتقلّيش اللّي عمّال بعض الشركات المنتجة لهذه الأسلحة سَخّفوك وعطيتْهم زكاة النفط كإعانة في مقابل شويّة ماتريال هاي-تاك ملوّح في الصحراء بدون صيانة؟ ايه، عندك الحق! أطفال ونساء غزّة عايشين في بحبوحة من العيش مقارنة بالزّنوس متاع اللّوبي العسكري الغربي اللي تحوّس في جات بريفاي وأكومبانياي بترنكوشات يشبّهو للجواري اللّي عندك؟
الفازة اللي قالتلهم اسكتوا هو المليار دولار اللّي قال باشْ يعطيه لجماعة غزّة بعد ما رجعتْهم الحسناء تزيبي ليفني لأواسط القرن الماضي! والله يعطيك الصّحة على هالكرم والسخاء المبالغ فيه لحقيقة! آشبيك راهو مليار دولار اللّي يقلّك! ياخي تلْقي عربي يسلّفك عشرة دولارات من غير أنتيريس في وقتنا هذا فما بالك يعطيك مليار دولار كاشْ وكارطة تحك في كارطة؟!
حتى انتوما! فيسعْ صدّقتوا؟ ياخي هالمليار آشنوّة يجي مقارنة بقرابة مائة مليار دولار صرفتهم السّعودية في حرب الخليج الثانية (فيهم أكثر من أربعين مليار دولار عطاتهم لأمريكا نقدا) لمجرّد أنّو الجنرال كولن باول كذب عليهم بشويّة تصاور نوار آي بلان عامليلهم رتوش بالأرديناتور قال آشنوّة الجاهل العراقي يلِمْ في القوّات متاعو على الحدود يحبّ يغْزو بلاد الحرمين! هذا خاطي فلوس البترول الكلّ اللّي تمّ استهلاكو خلال تسعة شهور وخلصتّوا السعودية على آخر ملّيم... هالمليار هاذا قدّاه يجي مقارنة بال300 مليار دولار اللّي مساهمة بيهم السعودية في البلان دو رولانص متاع الإقتصاد الأمريكي؟ حاصيلو مسكين العربي قدّاشو على نياتو!
الفرّادي لاخرْ اللّي مُصِر إلحاحا وملِحّ إصرارا أنّو الشعبوبة العربية الميمونة تبقى تحت سيطرة الظلاميّين وأعداء الحياة أحباء العدم من المقاومين والإسلاميين والمصلحين وحتى البطّالة والحرّاقة هو سي حسن البارك ولاّ حسونة برّاكة ولاّ حسنين باروكة... ايهْ يرْحَمْ هاكْ الفْيّْم حسني مبارك! تلقاو دقيقتين من الخطاب متاعو كالعادة على موقع ايلاف (هنا) وبعنوان برّاق آخر "مبارك ينذر اسرائيل".
والله لحْقيقة ماعنيش باشْ نَحكي مع هالمطبق أمّا هاو باش نخلّيكم تقرَاوْ تحاليل صُحُف عبريّة بخصوص مواقفو وبرامجو وحساباتو (على خاطر "الجماعة اللي يفهمولها" ما عندهُمْش ثقة في المحلّلين العرب "الأغبياء" -مثلا هنا وهنا - وقناة "الحظيرة" دونك نجيبولهم السّلع متاع أسيادهم باش يقتنعوا، وهاذا يذكرني بالمرّة بعقليّة رجعيّة متاع بعض الشعبوبة اللي تالّمون ما عندهاش ثقة في السلعة الوطنية تُوصلْ تاخو الطيّارة باش تهبط لتركيا وباريز وجينيف تقضي... ويحبو لبلاد تتقدم! دوّحي...).
يا سيدي بن سيدي، يقول الصحفي بوعز بسموت في مقال عنوانه "قمة شرم الشيخ: وليمة عشاء احتفالا بالنصر" (هنا) صادر في صحيفة "إسرائيل اليوم" بتاريخ 19 يناير 2009 أنّ:
فيما قال صحفي هآرتس تسفي برئيل في مقال عنوانه "مصر وغزة" (هنا) صادر بتاريخ 19 يناير 2009 ما يلي:
آشْ قولكم؟ دُمّار أزرق لشعبوبة غبراء مُوشْ هكّة؟
حبّيت نقول لخونا طارق اللّي تساءل في تعليق حول حكاية المذيعة يونيت ليفي اللّي كنت تكلمت عليها في تدوينة سابقة (هنا) اللي صحيفة لومند الفرنسية كتبت حول نفس الموضوع وموقع الجزيرة نقل (هنا) هذا الخبر.
أخيرا، أُنوّه لأشقائنا في السعودية ومصر اللّي هذه التدوينة لا تحمل أي تحامل ولا تقصد أي إساءة إلى هذين الشعبين الشقيقين. الله غالب الحقيقة مُرّة! وللسّادة والسيّدات القرّاء والقارئات، آسفة على الإطالة وشكرا...
آما لحقيقة اليوم تفرّجت في خطابات ناريّة متاع زوز رهوط يحاربوا في التطبيع وما يحبّوش الشعب أو بالأحرى الشعبوبة العربيّة المسلمة المتخلّفة تُخرج من غياهب الانحطاط والرجعيّة والخرافة وتولّي "شعب" عندو كرامة لأنّو باش ينالو شرف خدمة شعب الله المختار ويعيش من أفضالو وبالبركة متاعو... أيّ سيدي هالرهوط اللي عاملين رواحهم زعامات عربية اللّي يقلّك، هازّينا لجهنّم القومجية والفاشيّة العربية الاسلامية في حين أنّو أُمّنا الحنون وتاج راسنا إسرائيل تُوعد فينا بجنّة الفسفور الأبيض وفردوس اليورانيوم المنضّب! توّة بربّي موش كفر كيف واحد يخلّي الجنّة ويختار الجحيم؟
أيّ من غير منطوّل عليكم الهدْرة. باختصار، اليوم تفرّجت في خطاب "جلالة الملك خادم الحرمين الشريفين" في الأوناس العربي، عفوا نُقصد القمّة العربيّة الغرّاء في الكويت. هو لحقيقة كان ماجيتشْ نعرف طلْعتو الملكية البهيّة بهاكْ اللّبْسة متاع البدو والعجْلة اللّي على راسو ومقمْرتّوا بهاكْ الكُوبْ متاع العتروس نْقول قاعدة نتفرّج في تلميذ سنة ثانية يهجّي في درسوا ومتلعثم خايفْ من مسعودة اللّي باش ياكلْ بها على مشومْتو لو كان تطْلعْ الكلبة بنت الكلب حاشاكم، للمُعلّم متاعو! السيّد شاددْ أعلى منصب في بلادو وقاعد على قلوب آش وثلاثين مليون من مواطنيه وما يعرفْش يَقرى نص بالعربيّة الفصحى! كلّ جملة ما يتعدّاها إلاّ ما يعملْ على الأقلّ غلطة! وينو السيّد اللّي كتبلو النص؟ آشبيه ما حفظّهولوش بالقدا ولا قصْ النزاع وقام قراه في بلاصتو؟
وآنا نقول أشبيهم يقولو السّعودية "دولة إعتدال"؟ ونكسّرْ في راسي نْحبّ نفهم علاش إسرائيل بالت على العرب الكلّ بالواقفة بلا حشمة ولا جعرة وكمّلت مِسْحت القاذورات متاعها حاشاكم، بالبابيي تواليت من نوع مبارك وعباس وآل سعود؟ صار هو لحديث هكّة! برّة، برّة هاني بْديت نفهم!
باش ماتقولوش علّيسة تنبّر وتهزّ مالجابية وتحُطّ في الخابية شوفو هالمقتطف على إيلاف (اللّي هو على فكرة موقع عامل فيها زعمة زعمة ليبرالي تقدّمي وهو في الحقيقة منبر للطابور وقاعدة متقدّمة للبروبغندا الرسمية السعودية ومن يدور في فلكها) في هذه الصفحة بعنوان برّاق "العاهل السعودي يفاجئ الجميع حتى اسرائيل"!
ايلاف: كلمة العاهل السعودي الملك عبد الله في افتتاح قمة الكويت تلك الكلمة التي اذهلت الجميع وغيرت من حسابات الجميع.
(النسخة الاحتياطية هنا)
السّي المنبطح هذا زعْمة ما جاتو الشّجاعة باشْ يحْكي مع إسرائيل بالصّعيب كان كيف ما قرّرت الترويكا الأمنية باش توقّف القصف وتبدأ بالإنسحاب من طرف واحد؟ ياخِي وينَك سيدي كيف قنابل الفسفور الأبيض والذخائر العنقودية المحرّمة دوليا، عاملة مسَدْ في غزّة وأهل غزّة؟ أشبينا ما سْمعنا حتى تصريح من هذا القبيل ولاّ جورج بوش كان مْنحِّيلكم البيلات وتوّة باش يحفظلكم ماء وجوهكم ويمتصّ شويّة من غضب الشارع العربي الهائج والمائج، حطّلْكم كعيبتين بيل سواقر بمناسبة "القَعْدة" العربيّة "المباركة"؟(النسخة الاحتياطية هنا)
السي المنبطح أفندي قالّك التوراة تقول "العين بالعين وإسرائيل قْرَاتها العين بعيون"! ياخي حتى واحد من المستشارين متاعك اللّي يبلْعو في فلوس النفط بلْعان، بينما شعبك جيعان، ما قْرالِك آشنوّة يقول التلمود لبني إسرائيل في تعاملهم مع "الأميّين" (ومفهوم الأميّين في التلمود موش الناس اللّي مايعْرفوش يقْراو ولاّ يقراو هكّاكة وبرّة كيف المنبطح بأمره -بأمر بوش الصغير- وإنّما هوما الناس اللّي ماهُمش من بني إسرائيل أو بالأحرى من الأسباط الإثني عشر واللي سبق لواحد "يفهملها برشة" حكى عليهم في مدوّنتو، وهذاكة علاش يهود الفلاشا مثلا يعانِيو من العنصريّة في الدولة "الديمقراطيّة")؟
باهي كيف حضرة جنابك تستشهد بالقرأن، ياخي ما في بالكش اللّي ربّي سبحانه وتعالى قال لعباده المؤمنين [اللّي ما يفهمولها حتّى كعبة بالطبيعة!] الظلم حرام واللّي من واجبهم نُصرة من وقع عليه الظلم ولو كان غير مؤمن؟ ياخي وينْهم هاك 140 آف-15 آس اللّي دفع فيهم الشعب السّعودي دم قَلْبو ووينْهم زادة آف-16 و 72 الأوروفايتر تايفون متاع فضيحة "صفقة اليمامة"؟ ماتقلّيش اللّي عمّال بعض الشركات المنتجة لهذه الأسلحة سَخّفوك وعطيتْهم زكاة النفط كإعانة في مقابل شويّة ماتريال هاي-تاك ملوّح في الصحراء بدون صيانة؟ ايه، عندك الحق! أطفال ونساء غزّة عايشين في بحبوحة من العيش مقارنة بالزّنوس متاع اللّوبي العسكري الغربي اللي تحوّس في جات بريفاي وأكومبانياي بترنكوشات يشبّهو للجواري اللّي عندك؟
الفازة اللي قالتلهم اسكتوا هو المليار دولار اللّي قال باشْ يعطيه لجماعة غزّة بعد ما رجعتْهم الحسناء تزيبي ليفني لأواسط القرن الماضي! والله يعطيك الصّحة على هالكرم والسخاء المبالغ فيه لحقيقة! آشبيك راهو مليار دولار اللّي يقلّك! ياخي تلْقي عربي يسلّفك عشرة دولارات من غير أنتيريس في وقتنا هذا فما بالك يعطيك مليار دولار كاشْ وكارطة تحك في كارطة؟!
حتى انتوما! فيسعْ صدّقتوا؟ ياخي هالمليار آشنوّة يجي مقارنة بقرابة مائة مليار دولار صرفتهم السّعودية في حرب الخليج الثانية (فيهم أكثر من أربعين مليار دولار عطاتهم لأمريكا نقدا) لمجرّد أنّو الجنرال كولن باول كذب عليهم بشويّة تصاور نوار آي بلان عامليلهم رتوش بالأرديناتور قال آشنوّة الجاهل العراقي يلِمْ في القوّات متاعو على الحدود يحبّ يغْزو بلاد الحرمين! هذا خاطي فلوس البترول الكلّ اللّي تمّ استهلاكو خلال تسعة شهور وخلصتّوا السعودية على آخر ملّيم... هالمليار هاذا قدّاه يجي مقارنة بال300 مليار دولار اللّي مساهمة بيهم السعودية في البلان دو رولانص متاع الإقتصاد الأمريكي؟ حاصيلو مسكين العربي قدّاشو على نياتو!
الفرّادي لاخرْ اللّي مُصِر إلحاحا وملِحّ إصرارا أنّو الشعبوبة العربية الميمونة تبقى تحت سيطرة الظلاميّين وأعداء الحياة أحباء العدم من المقاومين والإسلاميين والمصلحين وحتى البطّالة والحرّاقة هو سي حسن البارك ولاّ حسونة برّاكة ولاّ حسنين باروكة... ايهْ يرْحَمْ هاكْ الفْيّْم حسني مبارك! تلقاو دقيقتين من الخطاب متاعو كالعادة على موقع ايلاف (هنا) وبعنوان برّاق آخر "مبارك ينذر اسرائيل".
والله لحْقيقة ماعنيش باشْ نَحكي مع هالمطبق أمّا هاو باش نخلّيكم تقرَاوْ تحاليل صُحُف عبريّة بخصوص مواقفو وبرامجو وحساباتو (على خاطر "الجماعة اللي يفهمولها" ما عندهُمْش ثقة في المحلّلين العرب "الأغبياء" -مثلا هنا وهنا - وقناة "الحظيرة" دونك نجيبولهم السّلع متاع أسيادهم باش يقتنعوا، وهاذا يذكرني بالمرّة بعقليّة رجعيّة متاع بعض الشعبوبة اللي تالّمون ما عندهاش ثقة في السلعة الوطنية تُوصلْ تاخو الطيّارة باش تهبط لتركيا وباريز وجينيف تقضي... ويحبو لبلاد تتقدم! دوّحي...).
يا سيدي بن سيدي، يقول الصحفي بوعز بسموت في مقال عنوانه "قمة شرم الشيخ: وليمة عشاء احتفالا بالنصر" (هنا) صادر في صحيفة "إسرائيل اليوم" بتاريخ 19 يناير 2009 أنّ:
"في شرم الشيخ اقيمت امس دولة المعتدلين. بعد اقل من 24 ساعة من انهاء حملة 'رصاص مصهور' تنافست اسرائيل ومصر على لقب المنتصر الاكبر. اذا تجاهلنا عدد الاقتباسات المصرية لاغراض داخلية اثناء الحملة، فليس للقدس مشكلة في ان تمنح القاهرة مكان الصدارة.
خمس نقاط مثيرة للاهتمام تعلمناها امس من زيارة الضيوف الاوروبيين الى القدس، ومن قمة شرم الشيخ.1. العالم يواصل كونه منقسماً الى معسكر معتدل ومعسكر متطرف. يوم الجمعة في الدوحة عاصمة قطر لعب دور النجم ابطال محور الشرق، احمد نجادي، خالد مشعل، وبشار الاسد حين كرروا انشودتهم المعروفة. امس في شرم الشيخ الى جانب مبارك وصل الملك الاردني. حتى السعودية كانت دون ان تكون. اوروبا، برئاسة ساركوزي جاء ليقول 'شبو' (انزلوا قبعتي). موريتانيا وقطر بالمناسبة، فقدهم المعسكر المعتدل في الدوحة. في الشرق الاوسط لم يبلغ عن هزة ارضية.2. من راهن على ان عملية عسكرية لاسرائيل في غزة سيجعلها منبوذة، لا نوصيه بان يعبىء ورقة يانصيب هذا الاسبوع. بين الزعماء الستة الذين زارونا امس كان ايضا رئيس حكومة اسبانيا خوسيه لويس ثباتيرو. الود الذي يكنه لاسرائيل زعماء المانيا، فرنسا، بريطانيا، وتشيكيا معروف. ومثلما في سباق تور دي فرانس، فان الراكب السادس، ثباتيرو، انجرف مع الجماعة.
3. تركيا لم تكن امس في القدس. ولكنها كانت في سيناء. سعت الى ان تنزل عن الشجرة، وعليه فان رئيسها غول كان في مصر. لو كانت تركيا جاءت الينا ايضا لكان ينبغي لها ان تقفز عن الشجرة، وهذا اصعب قليلا من المسافة التي تسلق اليها اردوغان. تركيا تعرف اين توجد الزبدة. مع كل الاحترام للتواصل مع طهران، من المجدي اكثر ان تكون في الشرم على ان تكون في الدوحة. انقرة ربما نقلت ايضا رسالة الى اوروبا بانه من المجدي التفكير مرتين قبل ان يغلقوا في وجهها باب الاتحاد.
4. عندما تبث لحماس بان 'رب البيت جن جنونه' وللعالم بان 'الوضع تحت السيطرة'، فانك تنهي الحملة بوليمة عشاء احتفالية. صحيح ان حماس قادرة على ان تواصل اطلاق الصواريخ، ولكن اسرة الشعوب تعدنا بالمظلة. ولكن حتى ساركوزي يعرف، مثلما قال بونابارت ، انه 'اذا كنت تريد ان يفعل احد ما ينبغي افعله انت بنفسك'. فما الضير في دعم اوروبي مصري حين يكررون ويقولون لنا ان 'وقف النار هش'؟
5. اوروبا شعرت امس بانها هامة اكثر من اي وقت مضى. نقلت رسائل في موضوع التهدئة، وقف اطلاق نار الصواريخ نحو اسرائيل، منع التهريب، فتح المعابر، وبدء المفاوضات الجدية حتى الاتفاق النهائي. ولكن في طاولة الشطرنج الدولية امس لعبوا دون ملك. الرئيس المنتخب للولايات المتحدة سيدخل غدا الى الساحة. اوباما يتحدث عن اسلوب جديد ومناهج جديدة في الشرق الاوسط، ولكن القمة في الدوحة وتلك في شرم الشيخ ربما سعتا الى تذكيره بأن الحديث في منطقتنا يدور بالاجمال عن ذات الادوات القديمة."
"عندما تحتك غزة بمصر وتشعل فيها شرارات ساخنة، فان سلامة امن وكرامة مصر تسبق غزة بل والعالم العربي بأسره. حزب السلطة في مصر بعث اول امس بأمرين بعيدي الاثر: واحد الى وزارة الاعلام في ان تأمر سلطة التلفزيون والراديو بعدم بث اناشيد وطنية فلسطينية و'الاكتفاء بالاغاني ذات الوتيرة الهادئة' والثاني الى وزارة التعليم لتمنع اطلاق الاناشيد الوطنية بين جدران المدارس، وبشكل عام 'في الايام القريبة عدم انشاد اناشيد العروبة او الجهاد'.
هذان الامران هما جزء من سياسة الرئيس المصري حسني مبارك، الذي لم يتردد حتى عن الشرخ الذي تخلقه قراراته في العالم العربي. بالتنسيق مع السعودية قرر مبارك الا يبعث ممثلا، فما بالك ان يظهر بنفسه، الى مؤتمر القمة العربية الجزئية الذي انعقد يوم الجمعة في الدوحة: وهو يصر على الا يفتح معبر رفح الا على اساس الاتفاق من العام 2005، الذي لم توقع عليه مصر.
(...) الحفاظ على الحدود بين مصر وغزة لا يمكن ان يكون ناجعا دون حل مشكلة البدو في شمالي سيناء، الذين عملوا طوال الزمن الاخير كوسطاء تموين للقطاع. كما ان مبارك سيتعين عليه ان يقنع اسرائيل بالسماح بتشغيل بضعة الاف اخرين من الجنود المصريين على طول الحدود وسيخاطر بالحصول على لقب 'حارس الحدود' لاسرائيل كما سيتعين على مبارك ايضا ان يستأنف الحوار مع حماس، وذلك لانه حسب مبادرته المرحلة الثالثة من وقف النار هي عقد حوار مصالحة بين فتح وحماس. يبدو ان بعد 27 سنة من الحكم و81 سنة من الحياة فان صحن الرئيس المصري لا يزال مليئا."
آشْ قولكم؟ دُمّار أزرق لشعبوبة غبراء مُوشْ هكّة؟
حبّيت نقول لخونا طارق اللّي تساءل في تعليق حول حكاية المذيعة يونيت ليفي اللّي كنت تكلمت عليها في تدوينة سابقة (هنا) اللي صحيفة لومند الفرنسية كتبت حول نفس الموضوع وموقع الجزيرة نقل (هنا) هذا الخبر.
أخيرا، أُنوّه لأشقائنا في السعودية ومصر اللّي هذه التدوينة لا تحمل أي تحامل ولا تقصد أي إساءة إلى هذين الشعبين الشقيقين. الله غالب الحقيقة مُرّة! وللسّادة والسيّدات القرّاء والقارئات، آسفة على الإطالة وشكرا...
شكرا أخت عليسة على الرابط
لا شكر على واجب أخ طارق...
واجبنا هو البحث عن المعلومة المفيدة ونشرها...
شكرا لمرورك ومرحبا بيك...