السّلام عليكم،
نحسّ بحنق وغضب وثورة شديدة بسبب الخبر اللّي قريتو وشاهدتو مؤخّرا. قالّك يا سيدي حارة توانسة هوما اللّي تسبّبو في التفجيرات لخّرة متاع العراق واللّي خلّفت ما يزيد عن 140 روح بشرية! باللّي حاولت نفهم علاش شعبوبة ذات تخلّف عميق من النوع هاذا تعمل عملة بربريّة كيما هاذي ما نجّمتش! تْجي تحاول تلقى تفسير (وموش تبرير)، شيء النّافع ربّي! الإجابة الوحيدة الممكنة هي: الغباء!
يقول القايل: تونسي قاعد في أمان ربّي في بلادو يقوم يلبس حزام ناسف ويمشي لدولة أخرى يفجّر روحو في وسط مسلمين كيفو، فاش قام؟ ياخي هاذا الكلّ جهل وتجوبير؟ وهاذا الكل حبّ "للشهادة"؟ أي و"الشهادة" هي كيف تقتل مواطنين عزّل؟ نحبّ نفهم لعباد هاذي عندها مخ ولاّ جرانة في راسها؟ شنوّة الجهلوت والغباء القاتل هاذا؟ لهل الحدّ نجّمو جماعة "كشطة واربط" يخترقو مخاخ لعباد؟ ولو كان لعباد هاذم كانو متعلّمين ومتنوّرين كيما يلزم كانو يتعرّضو لغسيل الأمخاخ متاع شعبوبة القاعدة الله لا يباركلهم لا دنيا ولا آخرة وربّي يورّينا فيهم نهار أغبر كيف وجوهم الحرفة!
نحسّ بحنق وغضب وثورة شديدة بسبب الخبر اللّي قريتو وشاهدتو مؤخّرا. قالّك يا سيدي حارة توانسة هوما اللّي تسبّبو في التفجيرات لخّرة متاع العراق واللّي خلّفت ما يزيد عن 140 روح بشرية! باللّي حاولت نفهم علاش شعبوبة ذات تخلّف عميق من النوع هاذا تعمل عملة بربريّة كيما هاذي ما نجّمتش! تْجي تحاول تلقى تفسير (وموش تبرير)، شيء النّافع ربّي! الإجابة الوحيدة الممكنة هي: الغباء!
يقول القايل: تونسي قاعد في أمان ربّي في بلادو يقوم يلبس حزام ناسف ويمشي لدولة أخرى يفجّر روحو في وسط مسلمين كيفو، فاش قام؟ ياخي هاذا الكلّ جهل وتجوبير؟ وهاذا الكل حبّ "للشهادة"؟ أي و"الشهادة" هي كيف تقتل مواطنين عزّل؟ نحبّ نفهم لعباد هاذي عندها مخ ولاّ جرانة في راسها؟ شنوّة الجهلوت والغباء القاتل هاذا؟ لهل الحدّ نجّمو جماعة "كشطة واربط" يخترقو مخاخ لعباد؟ ولو كان لعباد هاذم كانو متعلّمين ومتنوّرين كيما يلزم كانو يتعرّضو لغسيل الأمخاخ متاع شعبوبة القاعدة الله لا يباركلهم لا دنيا ولا آخرة وربّي يورّينا فيهم نهار أغبر كيف وجوهم الحرفة!
ما هذا من الإسلام في شيء ونحن نُدينه، نُدينه، نُدينه وبشدّة!
و الجزيرة لقاتها عاد. بدات تعيّط و تغرنق راهم الإرهابيين توانسة و جايين رأسا من تونس. باش لعرب الكل تسمع و خاصّة المصريين و الخليجيين و يقومو يسبّولنا في جد أصلنا و فصلنا. و هذاكا شنوة صار كيف تغزر للتعاليق متاع العرب في إيلاف و غيرها.
و أنا كيفك مانيش فاهم، شنوّة إلّي يخليهم يعملو حوايج كيف من هاذي، و شكون قاعد يعمّر فيهم و يدمغج فيهم.
ياخي الدولة و الحاكم فاش قاعدين
يعملو؟ لاهين بما أهم؟
عليسة عروس البحر
وعليكم السلام ورحمة الله وبراكاته
اسمحلي باش نتوجهلك بعتاب خفيف
ممكن النص كتب في حالة غضب ودهشة وهذا ماجعله قاسي ومتحامل وفيه نبرة لا احبذها كثيرا والغريب ان المدونة بعثت لمحاربة هذا النوع من التحامل.
باللّي حاولت نفهم علاش شعبوبة ذات تخلّف عميق من النوع هاذا تعمل عملة بربريّة كيما هاذي ما نجّمتش!؟؟؟؟؟
من اين استسقيت معلوماتك ومن اين عرفت انهم متخلفون ولما تقولين انهم بربريون وكلمة شعبوية ذات تخلف عميق لم استسغها رغم كل ما حاولت
تونسي قاعد في أمان ربّي في بلادو يقوم يلبس حزام ناسف ويمشي لدولة أخرى يفجّر روحو في وسط مسلمين كيفو، فاش قام؟ ياخي هاذا الكلّ جهل وتجوبير؟ وهاذا الكل حبّ "للشهادة"؟ أي و"الشهادة" هي كيف تقتل مواطنين عزّل؟ ؟؟؟؟
شخصيا نكتفي دائما بالقول اللهم ارنا الحق حقا وارزقنا اتباعه واررنا الباطل باطلا وارزقنا اجتنابه
هل مازلنا نصدق كل مايقال لنا؟ هل لمجرد ان تكلم امريكي وقال انهم توانسة ناخذ الامر كانه من المسلمات وننقلب نمزق في بعضنا البعض؟؟؟ من ادراكم بصحة ماقيل؟ ولماذا الان؟ وكيف حدث ذلك؟ ومن اين تسللوا؟ وكيف وصلو؟ وما علاقة محاولات االقضاء على فرق الصحوة بالتحديد بعد ان ادت الدور المنوط بعهدتها وهو القضاء على جماعة القاعدة؟مامدى ارتباط هذا الخبر بتصريح رئيس الوزراء بان فرق الصحوة اخترقت من قبل القاعدة وتم القبض فعلا على بعض العناصر؟
هل هذا هو رد فرقة الصحوة؟ ماهي العلاقة بين هذا الخبر وبين الرجوع القو يللقاعدة في افغانستان وباكستان؟؟؟
لهل الحدّ نجّمو جماعة "كشطة واربط" يخترقو مخاخ لعباد؟؟؟
غريب ان اقرا مثل هذا الكلام على مدونتكم؟
كشطة واربط؟ هكة؟
غريبة؟ فعلا
متاع شعبوبة القاعدة الله لا يباركلهم لا دنيا ولا آخرة وربّي يورّينا فيهم نهار أغبر كيف وجوهم الحرفة؟؟؟؟
لا تعليق لدي عل هذه الجملة بالذات ولينا بالسبان لا يباركلهم لا دنيا ولا آخرة وبالسخريية من العباد
فعلا لا اصدق انكن من كتبتن هذا النص
لكل جواد كبوة
أخ سفيان:
مرحبا بيك.
آنا مانلومش على الجزيرة خاطرها ببساطة تخدم على روحها (وفي تقديري لوكان جاو مصريين ولا أردنيين ولا مغاربة يكون النقل متاعها للخبر بنفس الشكل). آنا نلوم على قنواتنا الوطنية اللّي عاملة كيما النعامة!
بالنسبة للدولة والحاكم، الموضوع موجع وما نحبّش ندخل فيه خاطر قلبي معبّي ونعرف روحي لساني طويل!
شكرا ليك على المرور ومرحبا بيك...
أخ عمروش:
مرحبا بيك وشكرا على النقد...
الرّد يستوجب تدوينة. إن شاء الله على قريب نجاوبك.
والسلام.
فما برشة أردنيين و مصريين و سعوديين و خليجيين بصفة عامة طرشقو رواحهم في العراق. لكن ما سمعناش الجزيرة تتحدث عليهم بالطريقة هاذي، يعني بالفضايح.
حسب كلام الجزيرة، تونس ولات وكر للإرهاب توّة. عمرنا ما سمعنا الجزيرة تتحدث على السعوديين إلّي قاعدين يساندو علنا في العمليات الإنتحارية في العراق، و قاعدين يمولو في العصابات الوهابية بدولاراتهم.
حاجة أخرى، أول مرة نرى الجزيرة تصدق كلام المسؤولين الأمريكان بدون نقاش. في العادة كانت ديما تكذب فيهم و تشكك في مصداقيتهم.
الجزيرة عندها بجانبها أكبر قاعدة عسكرية أمريكية في العالم تعس عليها. و يضهرلي الجزيرة قاعدة تخدم لوجود قاعدة عسكرية أمريكية في جنوب تونس. خاطر الأمريكان يحبو يعملو قاعدة عسكرية في الصحراء التونسية، و هذا الشئ طلبوه قداش من مرّة و بالطبيعة، بحجة مقاومة الإرهاب و القاعدة.
شوف خويا، كلامك فيه بعض من الحقيقة. لكن يلزمنا نشوفو الأمور بأكثر واقعية. الجزيرة قناة قطرية والنظام القطري كيفو كيف الأنظمة العربية لخرى، الديمقراطية ما يشمّلها حتّى كعبة. فطبيعي جدا أنو الجزيرة تتكلم بشكل شبه رسمي على لسان حكومة قطر. كيف تعرف اللّي مؤخرا قطر "كبر حجمها الديبلوماسي وطموحاتها" تفهم علاش. شوف مثلا الأزمة اللي عملها برنامج "مع هيكل" مع حكومة الأردن الشهر اللي فات. وان شاء الله كان سهّل ربي وتكلمت على واحد من أبرز جنود الطابور الخامس اللي هو الملك الحسين توّة نرجعلها لحكاية. الجزيرة توة موظفة لمهاجمة دول الإعتلال عفوا "الإعتدال" كيما كانت الصحافة المصرية في عهد عبد الناصر موظفة لمهاجمة الدول العربية الأخرى كيما تونس بورقيبة. لكن رغم كل شيء تبقى حسب رايي المتواضع القناة الأكثر مهنية وحرفية في الشرق الأوسط.
الخلاصة، اللوم موش على الجزيرة. الجزيرة تبقى قناة أجنبية عندها الاجندا الخاصة بيها سواء اتفقنا معاها ولاّ لا. اللوم علينا احنا وعلى فلوسنا اللي تدعم في إعلام بودورو.
بربي سؤال أخير، شنية حكاية القاعدة الأمريكية في الصحراء التونسية؟ لحكاية ما فيباليش بيها؟ شكرا.
Les Americains cherchent a installer une base militaire dans le desert du nord Afrique. D'apres eux cette base leur servira comme appuie a leurs forces militaire qui sont au Tchad et au Nigere, et un peu partout dans les pays sub-sahariens
Pendant la visite du secretaire de la defense Americaine au Maghreb les Americains ont exprime clairement leurs souhaits
Ce que je sais, est que les pays du Magreb, ont publie un communique commun, dans lequel ils ont declare tous ensemble leur refus
Ceci dit, les US insistent encore
Alors, entendre le general Americain parler de Tunisiens Terroristes en Irak, et en plus d'apres lui, il y'a une cellule terroriste en Tunisie qui envoi des suicidaires en Irak me laisse personnelement penser que les US sont en train de ridiculiser notre systeme de securite, notre couverture militaire du desert Tunisien, et comme quoi, on aura besoin de leur presence
أخ سفيان:
بالإعتماد على المعلومات هاذي، تحليلك منطقي. آنا اللّي نعرفو هو أنّو الأفريكوم (AFRICOM) أو القيادة العسكرية الأمريكية في إفريقيا تتفاوض مع الجزائر بخصوص قاعدة دائمة في جنوب البلاد. وفي بالي عملو زادة مناورات مشتركة شاركو فيها بعض بلدان المغرب العربي بما فيهم تونس. المعلومات هاذي قديمة شوية ومازلت ماعملتش تحيين ههه.
على كل، الظاهر بالفعل الأمريكان يحبّو ينقلو عمليا الأفريكوم من ألمانيا إلى إحدى الدول المغاربية. كل ما أتمنّاه هو أنّو قواعدهم تبقى أبعد ما يكون على أراضينا الوطنية. شكرا على المعلومات.
يا عليسة،
الجيش الأمريكي، و المخابرات الأمريكية منتشرين في التشاد و في النيجر. ياخي شكون قلك إلّي ماهمش هوما إلّي يسلحو فيما يسمّى بالقاعدة متاع شمال إفريقيا؟
ياخي منين يجيبو في السلاح جماعة القاعدة في شمال إفريقيا؟ هذا الشئ إلّي حتى حد ما يحكي عليه، لا صحافيين و لا جزيرة و لا أمريكان و لا عمار بالزور.
و التخربيق في شمال إفريقيا يزيد يقوي في الحجة متاعهم. و خاصة كيف يقولو أنو فما إرهابيين من شمال إفريقيا و من تونس بالخصوص قاعدين يهاجمو فيهم في العراق. معناها باش يزيدو يدعمو موقفهم.
ديجا، في الرد متاعهم على المطلب الأمريكي، الحكومات المغاربية قالولهم كان نخليوكم تعملو قاعدة عسكرية هاتوا يهيجو علينا المتطرفين و تتحيّر علينا الخلايا النائمة متاع المتطرفين.
نتصور أنّو الإجابة كانت ذكيّة شوية.
صحيح أنو فمّا علاقات عسكرية ما بين تونس و أمريكا، و هذا الشئ ماهوش جديد و محدود.
أوافقك الرأي يا أخ سفيان،
ونمشي أبعد من هكّة. الحكاية اللّي داخلين عليها الأمريكان في المنطقة هي بالأساس مصالح اقتصادية أوّلا وأخيرا. الحجّة هي الإرهاب (وكيما يحبّو يدخلو في السودان والحجة إنسانية وكيما دخلو في العراق والحجة أسلحة الدمار الشامل إلخ).
الأمريكان بأجهزتهم العسكرية والاستخبارية ورا برشة مشاكل. وهاذي مصالحهم. احنا يلزمنا من جهتنا ندافعو على مصالحنا ونتحمّلو مسؤولياتنا. ويعطيها الصحّة الحكومة التونسية كيف رفضت قاعدة عسكرية أمريكية.
وفقط للذكر، برشة تقارير مستقلّة أثبتت اللّي برشة موجات متاع تفجيرات صارت في العراق وكانت الشرارة ورا إطلاق العنف الطائفي وراها الأمريكان والإسرائيليين ولاحقا الإيرانيين. الحاصيلو شكشوكة فلفل حار وربّي يستر ويحفظ تونسنا العزيزة. شكرا.