السّلام عليكم،
سين: كيف نبني تونس الغد؟
جيم: الشباب هو الحلّ...
سين: كيفاش؟
جيم: كالمشماش... ركّز معايا وما تّدوخش!
سين: كيف نبني تونس الغد؟
جيم: الشباب هو الحلّ...
سين: كيفاش؟
جيم: كالمشماش... ركّز معايا وما تّدوخش!
(انقر لتكبير الصور)
أوّلا: شباب حكيم (الله ومصلّي على سيدنا النّبي)
ثانيا: شباب منظّم... (ميليتار واللّعب لا! آه مالا؟!)
ثالثا: شباب ضامر وله روح الدعابة (ماهو قالّك علّمهم وهم يلعبون!)
رابعا: شباب مبتكر ومبدع وله أفكار خلاّقة (الحاجة أم الإختراع والإختراع يلزمو ناس مبتكرين، آه مّالا!)
خامسا: شباب متكافل ومتضامن... (وفي رواية أخرى يشدّ بعضه بعضا كالبنيان المرصوص!)
سادسا: شباب صاحب ذوق رفيع ... و"عيّاش" (لتحسين الانتاج والانتاجيّة!)سابعا والأهمّ: شباب مثقّف ومتفتّح (كزهرة عبّاد الشمس!)
وفي نهاية هالعرض الموجز لابتكارات وخصائص شبابنا الميمون، عندي سؤال صغيّر صغرون فمّاشي ما يجاوبني عليه وحيّد مالجماعة إيّاهم ولاّ الجماعة إيّاهم لخْرين!
في الوقت اللّي نتصوّر محمد الشرفي يحسّ بنشوة وسعادة وغبطة لا توصف للنجاحات الكبيرة اللّي حقّقها، زعمة شنوّة يحسّ الحبيب بورقيبة؟
هو الحق الحق، على الأقل واحد من الإثنين قاعد يقاسي في "عذاب القبر" توّة، شكون الله أعلم.
برافو عليسة
للأسف هذا هو الواقع و هذا هو الشباب, شباب اليوم , شباب الغد
شباب العزّة بالملايين
برافو عليسة
للأسف هذا هو الواقع و هذا هو الشباب, شباب اليوم , شباب الغد
شباب العزّة بالملايين
التصويرة الرابعة حقك خليتها كيما هي. علاه التفسيخ بالأكحل :))
سفيان:
التعليق 1: "هو الحق الحق، على الأقل واحد من الإثنين قاعد يقاسي في "عذاب القبر" توّة، شكون الله أعلم."
توّة هوما عند ربّي! ربّي يرحمنا ويرحمهم ويغفرلنا ويغفرلهم واكهو.
التعليق 2 : "التصويرة الرابعة حقك خليتها كيما هي. علاه التفسيخ بالأكحل :))"
نخاف عليك تدوخ هههههه
كلندو:
شباب العزّة بالملايين... غثاء كغثاء السيل ومسكينة تونس وبرّة!
مرحبا بيك خويا وشكرا على التشجيع والمرور.
يا علّيسة، ياخي الفرخ متاع فيديو حنبعل من المرسى؟
سفيان:
"يا علّيسة، ياخي الفرخ متاع فيديو حنبعل من المرسى؟"
الحقيقة ما عندي حتّى فكرة. المهم تونسي ويتكلّم بالتونسي وفي تلفزة تونسية!
تعرف، قال حاجة ضحكتني برشة. قالك يا سيدي: "جيت لحنبعل نقدّم في مواهبي"... مالاّ مواهب عندو هههههه
الصبر وبرّة!
شنوة امدخل محمد الشرفي والزعيم بورقيبة ؟؟ اكاهو انجم توة مثلا قياسا على التحليل هذا انجم انقول مثلا حالة المرأة التونسية ما تعجبش زعمة الطاهر الحدّاد فرحان في قبرو ؟؟ الشعر التونسي ايامو تسلت زعمة اش يقول الشابي؟؟ وهكذا دواليك وهكة نحكيو على الاموات سفيان ماهو واحد منهم قاعد يقاسي في عذاب القبر ؟؟ علاه انت غادي وقت ربي امر بتعذيبو ؟؟ اي انستو وربي يرحمنا حيين وميتين
"وهكذا دواليك وهكة نحكيو على الاموات سفيان ماهو واحد منهم قاعد يقاسي في عذاب القبر ؟؟ "
قدّاش يولّي عندهم إيمان و خشوع و تقوى، كيف يتجبد محمد الشرفي. و الله أنا نحكي و نقول شنحب على الموتى و الحيين، و هانو ربّي إلّي إنت تعرفو مليح توّة يحاسبني.
أرابيكا:
مرحبا بيك يالّة. زارتنا بيك البركة. هاو باش نجاوبك على الجزء الأوّل من تعليقك اللّي هو يهمّني ونخلّي سفيان يجاوبك على الجزء الثاني اللّي يخصّو وما يخصنيش آنا.
"شنوة امدخل محمد الشرفي والزعيم بورقيبة ؟؟ اكاهو انجم توة مثلا قياسا على التحليل هذا انجم انقول مثلا حالة المرأة التونسية ما تعجبش زعمة الطاهر الحدّاد فرحان في قبرو ؟؟ الشعر التونسي ايامو تسلت زعمة اش يقول الشابي؟؟ وهكذا دواليك"
أختي لعزيزة، فهمك لإشارتي لمحمد الشرفي وبورقيبة خاطئ.
آنا ببساطة ذكرت زوز شخصيّات وطنية على طرفي النقيض فيما يخصّ قضيّة وطنية كبرى إسمها التعليم. بورقيبة عمل مجهود جبّار باش يخرّج التوانسة من ظلمة الجهل إلى نور المعرفة. وربما هاذي أكثر حاجة يحفظهالو الشعب التونسي سواء كان من محبّيه ولاّ معارضيه. وآنا شخصيا نعتبر اللّي هاذيكة هي الحاجة الوحيدة المضيئة في كاريار بورقيبة على رأس دولة الإستقلال. بينما محمد الشرفي كان من الأوائل اللّي "شلكوا" التعليم ونظام التعليم بلامبالاة شديدة وعملوا إصلاحات هدّو بيها كل اللّي تبنى في السبعينات والثمانينات. فقط أعمل مقارنة بسيطة. في فترة الثمانينات ورغم الأزمة الاقتصادية والسياسية في البلاد كان التعليم التونسي وخصوصا الجامعة التونسية الأفضل في العالم العربي ومن الأوائل في العالم الثالث. كانوا الطلبة التوانسة يدخلو للجامعات الامريكية تماما كيما الأمريكان. اليوم ما تدخل جامعة أمريكية إلاّ ما تعدّي امتحان سبيال لإثبات المستوى وزيد في أكثر من 90% من الحالات يفرضو عليك دروس تقوية وتأهيل. نزيدك حاجة أخرى، هاك المرّة قريت حول اختبار عملتو اليونسكو على تلامذة الشرق الأوسط والنتيجة: التلميذ التونسي جا في المرتبة قبل الأخيرة. زعمة علاش؟ موش السبب الإصلاحات غير الموفقة. شكون بدا بالإصلاحات هاذي؟ موش الشرفي!
آنا لهنا نحكي على الشرفي كوزير ومانيش نناقش في حكايتو مع الإسلام والإسلاميين إلخ. آنا نحكي وبوضوح على الطاقات اللّي قاعد يتم إهدارها بغباء غير مسبوق ومستقبل البلاد اللي أمورو موش واضحة من الناحية هاذي بالذات. زعمة لو كان التعليم لا باس نلقاو عباد تحرق؟ نلقاو عباد تطرشق رواحها؟ نلقاو عباد تنسلخ بالشكل المهين اللّي شوفتو في الفيديو؟ ما ظاهرلي!
لا عاد يا عليسة، ماهم جبدو سفيرهم و قالو ماهوش هو! بالطبيعة يلزمك تصدقهم. و باش يبعّدو الجرّة على رواحهم بداو أول عباد ينتقدو في التعليم.
محمد الشرفي دمر خدمة متاع ثلاثين سنة، خاطر ما كان عندو حتى مستوى باش يشد وضائف كيف من هاذي. بالطبيعة ما يلزمناش نقولو فيه الخايب خاطرو توفى.
و أذكرو موتاكم بخير.
الله لا ترحمو.
ههههههه الله يهديك ويهدينا ويهدي أمّة سيدنا محمّد أجمعين...
يا سفيان يعيّشك يهديك، راهو موش معقول نسبّو الراجل ولاّ نرحّمو عليه لسبب بسيط هو أنّو توفّى ومعادش ينجّم يدافع على روحو.
نجّمو ننقدو مواقفو السابقة ونتكلمو عليها اما موش معقول نقولو عليه الخايب خاطر هاذا موش من أخلاق المسلم راهو. يعيّشك فك علينا منّو هو كشخص وكان عندك ما تتكلّم على مواقفو مرحبا. شكرا.
"ومعادش ينجّم يدافع على روحو"
لا يا عليسة وراسك إنت لقى الوقت و السند الكافي باش يدافع على روحو.
الصحف متاع القوش كافيار الفرنسي بكلّها كانت على ذمتو. و قال إلّي حب عليه الكل و بإسم حقوق الإنسان زادة.
ممكن الدعاء بقلّة الرحمة ماهوش من أخلاق المسلم. لكن مدرسة الشرفي ما علمتهوليش يا علّيسة! ياخي منين نعرف أنا؟
سفيان:
ههههههههههه
حاول تتعلّم وحدك كيف قدّر علينا ربّي... هههه
ربّي يسامح اللّي كان سبب وشكرا.
حلوة برشة التصويرة الرابعة !
توة برك وين فهمت علاش البنات خير م الاولاد في القراية هههه
أمين:
عالسلامة ومرحبا بيك...
"توة برك وين فهمت علاش البنات خير م الاولاد في القراية"
حتى هو هذاكة شنوّة لقيت مكتوب على الصورة الأصلية. هههه
شكرا لمرورك.
عليسة عروس البحر
شكرا جزيلا للتوضيح نتمنى انك تكتب تدوينة على تردّي اوضاع التعليم في تونس الاسباب والحلول ، ما فهمتش من الاوّل الربط بين الزوز رجال هذوما وما الت اليه الحال الاّ وقت ما فسرتلي وجهة نظرك اللى نحترمها
عموما انا وقت ما حبيت نعرف علاه اتصوّر ان سؤالي يحمل من الشرعيّة الكثير لانو اذا فهمنا الاسباب وراء ما يجرى في المؤسسات التربوية استطعنا انو نحاولو انصلحو ولو بكثير من العناء
سفيان
لاحظ انى قلت مجرد ملاحظة كانت في سياق النص متاع التدوينة ما عجبنيش صيغة الجمع اللي استعملتها وردّك لا يستحق عناء الردّ اصلا
أرابيكا:
مرحبا بيك مجددا سيدتي وشكرا لتعاليقك.
يا سيدتي، سؤالك مشروع وجاوبتك عليه بدون خلفيات. فقط وضّحت اللّي في التدوينة هاذي المشكل هو "التعليم" وموش "علاقة محمد الشرفي بالإسلام". وصدّقني، أنا تعمّدت أنّو سؤالي في آخر التدوينة يكون موش واضح وضبابي فقط لإستفزاز القراء لإطلاق نقاش حول الموضوع.
فمّة ان شاء الله برنامج في مدونة النضال ضد الطابور الخامس لتناول موضوع العلم والتعليم والبحث العلمي في تونس. عنّا فقط بعض الملفات اللّي يلزم نغلقها أوّلا وبعد لنا عودة مطوّلة للموضوع. ونحب نقلك زادة اللّي خط النضال لوّل وواحد من المطالب الرئيسيّة للمدونة هاذي هو "النهضة العلمية والتقنية لتونس". صحيح هو حلم ومطلب يبدو صعيب لكن موش مستحيل تحقيقو. آنا شخصيا عندي قناعة اللّي توفر العلم مع ما يكفي من الحرّية قادر على النهوض بتونس في سنوات قليلة جدا. وبقية المشاكل الإيديولوجية تتحلّ بأسهل ملّلي نتصوّرو لو كانت العقول متنوّرة بما يكفي. العلم واحد من أهم العوامل اللّي تصقل شخصية وهوية وسلوك الشعوب وواحد من أهم أعمدة كل حضارة متقدّمة.
شكرا ليك أختي ومرحبا بيك دوما.
يا أربيكا كيف الرد متاعي ما يستحقش الرد، ما تردش.
إنت فهمت القصد متاع التدوينة. لكنك دخلت تتبهنس.
أخ سفيان،
من فضلك! رجاءً، رجاءً، رجاءً كل الرّجاء الابتعاد عن الشخصنة.
إذا كان لديك أية مشكلة مع أرابيكا فرجاءً حُلّها معها على صفحات مدوّنتها. الجميع ضيوف على هذه الصفحة ولا داعي للإحراج. شكرا لتفهّمك.
صحيتو، ركحوا المشطة في الشباب الكل دون إستثناء و مبعد قولوا اش بينا داخلين في حيط؟ ياخي اش عطيتوه هالشباب هذا باش يولي عند حسن الظن؟ ماهو حل عينيه يلقى الميزيرية و الفساد و الديكتاتورية و غياب الأفق، اش تحبّوه يعمل؟ باش يجيب الفكر و الإلتزام و الثورية مالحيط؟ الشباب ما ينجم يكون إلا على شاكلة من سبقوه....
يا علّيسة أنا ما عندي حتى مشكل معى أرابيكا ديجا ما نعرفهاش. جاوبتها على تعاليقها لا أكثر و لا أقل.
Arabasta@
شعطيناهم؟ أحنا ما عطينا شئ. لكن في نفس الوقت ما فسّدناش. و ما خلاوناش ننتقد و نمنع إلّي دخل يفسّد في التعليم و التربية و الثقافة إلّي عطات شباب كيف هذا. يضهرلي بالقليلة عندنا الحق في الإنتقاد و المطالبة بالمحاسبات كان لزم الأمر.