السّلام عليكم،
كنت سابقا في التدوينة هاذي تكلّمت على حكاية انتحال الشخصيات في البلوغوسفير. ولمّحت تحديدا لفرضيّة صحّة المعادلة (عاشور الناجي = عماد حبيب). واستشهدت في كلامي بمقتطف من نص كان كتبو "تونسي من بلاد البنوك" في مدوّنتو الجديدة (هنا). ثبت مؤخّرا من مصدر محايد أنّو يقصد في تدوينتو شخص آخر، قال هو اللّي اسمو عبد النبي عاشور والمصدر اللّي اعتمدنا عليه يقول اللّي اسمو عاشور عبد النابي. بعد التحرّي ثبت اللّي الرواية هاذي صحيحة وبالتالي ما فمّاش علاش نستمرّ في الاستشهاد بنص ما عندو حتى علاقة بالموضوع. وبناء عليه نقدّم خالص اعتذاري للمدوّن "تونسي من بلاد البنوك" ونتأسّف على أي مشكلة وإلاّ إحراج تسبّب فيهم الاستشهاد بنصّو. وبنفس الدرجة نسحب كل كلامي اللّي قلتو ردا عليه في تعليقي الأخير على التدوينة موضوع التحيين ونعتذر عليه هو زادة. وماذا بيّ نلاحظ حويجة لهنا، اللّي يا ريت المدوّن "تونسي من بلاد البنوك" يكون أكثر تعاون في المستقبل باش النوع هاذا من المشاكل يتمّ تلافيه بسرعة. وما فيها باس كيف يعترض على شيء نكتبوه يكون أكثر رزانة وتعاون ويعطي مصادر محايدة وكافية باش يبرّر موقفو.
نحبّ نقول زادة اللّي المدوّنة هاذي موش كيما البعض قاعدين يروّجو، متاع "طابور تقطيع وترييش" وانّما هي منبر يدافع على مجموعة مبادىء. احنا قاعدين نعملو في مجهود كبير باش نتثبّت من معلوماتنا وما نقدّم كان المعلومة اللّي عندها ما يكفي من المصداقية. هاذاكة علاش الانتاج متاعنا موش بالوفرة اللّي احنا نتمنّاها. الهدف متاعنا بعيد كل البعد على التقطيع والترييش والنميمة. قبل ما نكتب النص متاعي قمت ببحث مطوّل وما وصلتش لنتائج تفنّد الاستنتاج اللّي استنتجتو وقتها. توّة كيف توفرت معلومات مناقضة نعتبر أنّو من أوكد واجباتي إعادة وضع الأمور في نصابها.
باهي هاذا الجزء لوّل من الموضوع وان شاء كلامي يكون وصل لمن يهمّه الأمر وتفهم بالشكل المناسب. توّة في خصوص النص اللّي كتبتو واللّي تلقاو النسخة المحيّنة متاعو في ما يلي، يقعد نسبيا عندو نفس المصداقية إذا نبدّل نص "تونسي من بلاد البنوك" بالنص هاذا. وبالتالي وجب التنويه اللّي القرّاء ما يلزمش ياخذو من هنا فصاعدا بنص "تونسي من بلاد البنوك" وإنّما فقط بالنص الجديد. وشكرا.
كنت سابقا في التدوينة هاذي تكلّمت على حكاية انتحال الشخصيات في البلوغوسفير. ولمّحت تحديدا لفرضيّة صحّة المعادلة (عاشور الناجي = عماد حبيب). واستشهدت في كلامي بمقتطف من نص كان كتبو "تونسي من بلاد البنوك" في مدوّنتو الجديدة (هنا). ثبت مؤخّرا من مصدر محايد أنّو يقصد في تدوينتو شخص آخر، قال هو اللّي اسمو عبد النبي عاشور والمصدر اللّي اعتمدنا عليه يقول اللّي اسمو عاشور عبد النابي. بعد التحرّي ثبت اللّي الرواية هاذي صحيحة وبالتالي ما فمّاش علاش نستمرّ في الاستشهاد بنص ما عندو حتى علاقة بالموضوع. وبناء عليه نقدّم خالص اعتذاري للمدوّن "تونسي من بلاد البنوك" ونتأسّف على أي مشكلة وإلاّ إحراج تسبّب فيهم الاستشهاد بنصّو. وبنفس الدرجة نسحب كل كلامي اللّي قلتو ردا عليه في تعليقي الأخير على التدوينة موضوع التحيين ونعتذر عليه هو زادة. وماذا بيّ نلاحظ حويجة لهنا، اللّي يا ريت المدوّن "تونسي من بلاد البنوك" يكون أكثر تعاون في المستقبل باش النوع هاذا من المشاكل يتمّ تلافيه بسرعة. وما فيها باس كيف يعترض على شيء نكتبوه يكون أكثر رزانة وتعاون ويعطي مصادر محايدة وكافية باش يبرّر موقفو.
نحبّ نقول زادة اللّي المدوّنة هاذي موش كيما البعض قاعدين يروّجو، متاع "طابور تقطيع وترييش" وانّما هي منبر يدافع على مجموعة مبادىء. احنا قاعدين نعملو في مجهود كبير باش نتثبّت من معلوماتنا وما نقدّم كان المعلومة اللّي عندها ما يكفي من المصداقية. هاذاكة علاش الانتاج متاعنا موش بالوفرة اللّي احنا نتمنّاها. الهدف متاعنا بعيد كل البعد على التقطيع والترييش والنميمة. قبل ما نكتب النص متاعي قمت ببحث مطوّل وما وصلتش لنتائج تفنّد الاستنتاج اللّي استنتجتو وقتها. توّة كيف توفرت معلومات مناقضة نعتبر أنّو من أوكد واجباتي إعادة وضع الأمور في نصابها.
باهي هاذا الجزء لوّل من الموضوع وان شاء كلامي يكون وصل لمن يهمّه الأمر وتفهم بالشكل المناسب. توّة في خصوص النص اللّي كتبتو واللّي تلقاو النسخة المحيّنة متاعو في ما يلي، يقعد نسبيا عندو نفس المصداقية إذا نبدّل نص "تونسي من بلاد البنوك" بالنص هاذا. وبالتالي وجب التنويه اللّي القرّاء ما يلزمش ياخذو من هنا فصاعدا بنص "تونسي من بلاد البنوك" وإنّما فقط بالنص الجديد. وشكرا.
النص المحيّن:
سي البرباش حفظه الله وجعله ذخرا للوطن سبق وتكلّم على الترافيك متاع التصويت في تن-بلوغز (هنا، هنا، هنا) وأشار في إحدى التدوينات (هنا) اللي فمّة بعض الأمور اللّي موش مفهومة. وآنا زادة لاحظت حويجة ماذا بيّ نقول عليها أما رُدّوا بالكم تقولو اللي آنا قلت (عماد حبيب = عاشور الناجي). حاشى وكلاّ وزوز كيلو غلّة! آنا لا قلت ولا شفت ولا ريت ولا حتى قريت... ههه
أيا برّة توكّل على المولى وانقر هنا، أقرا النص المحاط بمستطيل وبعد اجبد نفس باهي وشهّد واستغفر كانك مؤمن (اما كانك ملحد قول بركاتك يا شيخ نيتشه ههه) وانقر هنا وكالعادة أقرا النص المُحاط بمستطيل. توّة انت عملت مجهود وصرفت صرفت، وسّع بالك وكمّل انقر هنا. وأكهو... ههه
ولو انا فالتعليق قلتلكم اللي اسمو عبد النبي عاشور اولا علطت ونسيت االلف وثانيا حطيت اللقب قبل الاسم بالعاني بش تلاحظوا الفرق وبعدها بالظبط حطيتلكم الرابط متاع الجمعية التونسية للرياضيات وفيه سي عبد النابي خذا منصب رئيس في99.
على كل نحب نعرف هالتفتيش فالاشخاص والبحث في هويتهم كيفاش يصب في خانة ''مقارعة الحجة بالحجة'' .توا كي افكار المدون عاشور ماهياش عاجبتكم ماوناقشو الافكار واشيهمكم فيه هو اشكون...يطلع حتى موش دايان ولا فينكلكراوت متنكر اشيهمكن فيه ؟؟؟؟
انا المرة هذي اخر مرة بش نعلق فيها هنا....وهاكم طلف فيكم شوية خير(ونركز على كلمة شوية) اما التعاون ياذنوبي...
ولو انا فالتعليق قلتلكم اللي اسمو عبد النبي عاشور اولا علطت ونسيت االلف وثانيا حطيت اللقب قبل الاسم بالعاني بش تلاحظوا الفرق وبعدها بالظبط حطيتلكم الرابط متاع الجمعية التونسية للرياضيات وفيه سي عبد النابي خذا منصب رئيس في99.
على كل نحب نعرف هالتفتيش فالاشخاص والبحث في هويتهم كيفاش يصب في خانة ''مقارعة الحجة بالحجة'' .توا كي افكار المدون عاشور ماهياش عاجبتكم ماوناقشو الافكار واشيهمكم فيه هو اشكون...يطلع حتى موش دايان ولا فينكلكراوت متنكر اشيهمكن فيه ؟؟؟؟
انا المرة هذي اخر مرة بش نعلق فيها هنا....وهاكم طلف فيكم شوية خير(ونركز على كلمة شوية) اما التعاون ياذنوبي...
مصادر موثوف بيها؟؟؟ ثبت من مصدر محايد؟؟؟ بعد التحري؟؟؟
او هذا الكل تقلي منبر يدافع على دراشنوة ههههههه
بالله هذي ندوينة ولا محضر متاع شرطة؟؟هههههههههه
والله كثر الهم ايضحك؛ اما على كل حال مانلومش عليك؛ مع الازمة الحالية كثرت البطالة او طبيعي الفراغ يعمل أكثر؛
هاني مانيش باش نحط اسمي في التعليق؛ اما اسمي يبدى بالآدم او يكمل بالصالحي؛ برا تحرى مليح او شوف مصادرك بالكشي اطلعني شكون هههههههه
تونسي من جينيف:
"ولو انا فالتعليق قلتلكم اللي اسمو عبد النبي عاشور اولا علطت ونسيت االلف وثانيا حطيت اللقب قبل الاسم بالعاني بش تلاحظوا الفرق وبعدها بالظبط حطيتلكم الرابط متاع الجمعية التونسية للرياضيات وفيه سي عبد النابي خذا منصب رئيس في99."
بالعكس، ذكرك الخاطئ لاسم عاشور عبد النابي وعكس الاسم واللقب هو دليل كافي على أنك تسمع بالشخص هاذا من بعد لبعيد وموش تعرفو معرفة شخصية كيما ادعيت في تعليقك سابقا. وحاجة أخرى، سكوتك على تعليقي القاسي دليل إضافي على أنك ما عندك تحت يدك حتى شيء ببساطة خاطرك موش من النوع اللي يتنازل ويسكت بسهولة خصوصا أمام مدونات يعتبرهم ألد "أعداؤ" ويتصيدلهم بالريق الناشف، في أي غلطة باش يهاجمهم.
بالنسبة للرابط اللي جاوبتني بيه، إنت وأنا وبرشة ناس يعرفو اللي ما عندو حتى فاعلية ولا مصداقية.
"على كل نحب نعرف هالتفتيش فالاشخاص والبحث في هويتهم كيفاش يصب في خانة ''مقارعة الحجة بالحجة'' .توا كي افكار المدون عاشور ماهياش عاجبتكم ماوناقشو الافكار واشيهمكم فيه هو اشكون...يطلع حتى موش دايان ولا فينكلكراوت متنكر اشيهمكن فيه ؟؟؟؟"
آنا نكره برشة الواحد كيف يبدا يلعب على بدنو. سي رئيس حزب الديك (حلوة التسمية هاذي يا تانيت، يعطك دودة من جبتها ههه). عاد قتلك سي الديك بيه الأكبر ههه هو أول من بدا المسلسل السخيف هاذا وبدون دلائل، فقط مجرد تهم. مالا أهوكة عرف بالملموس اللي دارو بلار ودارنا حديد واللي المرة الجاية يلزم يخمم مرتين قبل ما يحاول يحل ليكار قدام الناس، وهو لابس الترقال هههه.
بدا هنا
http://exmouslem.blogspot.com/2009/02/blog-post_21.html
وكمل يزفزف هنا:
http://exmouslem.blogspot.com/2009/03/blog-post_28.html
"انا المرة هذي اخر مرة بش نعلق فيها هنا..."
قلتها قبل واستينفت وما ظاهرلي كان تنجم تشد روحك على التنبير... ههه
"اما التعاون ياذنوبي..."
موش مستغربة منك وعلى كل حال كلمة "تعاون" واضح شنوة نقصد بيها هاذا إذا مشى في بالك حاجة أخرى.
آدم الصالحي:
يا مرحبا بأولاد سيدي...
أي مالا يكون في بالك اللي الشارع هاذا تحت سلطة البوليس والدرك والدفاع المدني وحتى الجيش زادة وممنوع على السذج والحمقى والأغبياء والنبارة ومن حذا حذوهم من الشعبوبة ذات التخلف العميق. والمرة الجاية ما تنساش بطاقة التعريف خاطر الرافل في شربة ما. وبرة هاك سلكتها المرة هاذي من غير لا خميس ولا عاشور ولا قاسم... هههه